09 August 2013

திராவிடர் இயக்கம் FOR DUMMIES!




ஊருக்கு இளைத்தவன் பிள்ளையார் கோயில் ஆண்டி என்கிற பழமொழிக்கு சரியான உதாரணம் கலைஞர் கருணாநிதிதான். அதை உணரவேண்டுமென்றால் அப்படியே ஜாலியாக இணையத்தில் சுற்றுப்பயணம் செய்தால் போதும். நேற்று முளைத்த நெல்லிவிட்டைகள் கூட கலைஞரை ஏகவசனத்தில் விமர்சித்துக்கொண்டிருப்பதை காணலாம். பெருமாள் கோயில் பொங்கலில் உப்பு இல்லையென்றாலும் கூட கருணாநிதியின் சதி என்று கூச்சலிடுவதை கண்டுசிரிக்கலாம்.

கலைஞர் மட்டுமல்லாது கடந்த சிலவருடங்களாக இணையத்திலும் வெவ்வேறு தளங்களிலும் இயங்குகிற இளைஞர்களும் தொடர்ந்து திராவிட இயக்கங்களையும் தாறுமாறாக விமர்சித்தே வருகின்றனர். ஆனால் இந்த இளைஞர் தலைமுறைக்கு திராவிட இயக்கங்கள் குறித்தும் அதன் பின்னணி குறித்தும், நூறாண்டுகளுக்கு மேலாக தன்னை நிலைநிறுத்திக்கொண்டு தொடர்ந்து சமூகநீதிக்காகவும் ஒடுக்கப்பட்ட மக்களின் உரிமைகளுக்காகவும் போராடிவருகிற அதன் வேர்களை பற்றியும் கொஞ்சமாவது தெரிந்திருக்குமா என்பது சந்தேகம்தான்.

சொல்லப்போனால் இந்த இளைஞர்களுக்கு சமூகநீதி என்கிற வார்த்தைக்கே பொருள் தெரியாது. இடஒதுக்கீடு என்பதன் அர்த்தமும் அதற்கு பின்னால் இருக்கிற பலருடைய தியாகங்களும் தெரியாது. இன்று மற்ற மாநிலங்களோடு ஒப்பிடுகையில் நாம் அடைந்திருக்கிற முன்னேற்றமும் வந்தடைந்திருக்கிற மாற்றங்களுக்கும் அதற்கு காரணமான திராவிடர் இயக்கங்களின் போராட்டங்களும் புரியாது.

சாதிக்கெதிராக மூடநம்பிக்கைகளுக்கு எதிராக அதிகாரத்தின் சகல இடங்களையும் ஆக்கிரமித்திருந்த ஒரு குறிப்பிட்ட சமூகத்தின் ஆதிக்கத்திற்கு எதிராக பெண்கள் மீதான அடக்குமுறைகளுக்கு எதிராக திராவிட இயக்கங்களின் போராட்டங்களை பற்றி ஒன்றுமே தெரியாது.

எவ்வளவு பலமான அஸ்திவாரமிருந்தால் இத்தனை ஊழல்களுக்கு மத்தியிலும், அவப்பெயர்களுக்கு மத்தியிலும், குடும்ப ஆதிக்கங்களுக்கு மத்தியிலும். திராவிட இயக்கங்கள் தன்னை நிலைநிறுத்திக்கொண்டு இருக்க முடியும். அந்த வலுவான வேர்களை நமக்கு எளிமையாக அறிமுகப்படுத்துகிறது கோவி லெனின் எழுதிய திராவிடர் இயக்கம் நோக்கம் தாக்கம் தேக்கம் என்கிற நூல்.

திராவிட இயக்கத்தின் நூறாண்டுகால வரலாற்றை ஒரு சுவாரஸ்யமான ஆக்சன் பட கதையைப்போல விறுவிறுப்பாக சொல்கிறது இந்நூல். டாக்டர் நடேசன் துவங்கிய பிராமணரல்லாதோர் சங்கத்திலிருந்து துவங்கி இதோ இப்போது எந்தக்கொள்கையுமேயில்லாமல் கட்சி தொடங்கி பத்து சதவீத ஓட்டுவங்கி வைத்திருக்கிற விஜயகாந்த் வரைக்குமான அரசியல் வரலாற்றினை 300 பக்கத்தில் எளிய நடையில் அறிமுகம் செய்கிறது இந்நூல். எத்தனை போராட்டங்கள், சறுக்கல்கள், தியாகங்கள், எழுச்சி, வீழ்ச்சி என திராவிடர் இயக்கத்தின் சகல விஷயங்களையும் தொட்டுச்செல்கிறது இந்நூல். திராவிடர் இயக்க அரசியலென்பது இம்மண்ணின் அரசியல், அது இந்த மக்களின் அரசியல், அவர்களுடைய விடுதலைக்காக முன்னெடுக்கப்பட்ட அரசியல் என்பதை படிக்கும்போது உணரமுடியும்.

அதற்காக ஒரேயடியாக பாராட்டித்தள்ளாமல் திராவிடர் இயக்கத்தின் மீதான காழ்ப்புணர்ச்சிகளின்றி பொறுப்புடனும் அக்கறையுடனும் அக்கட்சிகளின் தவறுகளை சுட்டிக்காட்டுவதோடு அதற்கான தீர்வுகளையும் முன்வைக்கிறார் லெனின். திராவிடர் இயக்கம் தொடர்பாக நமக்கு இருக்கிற அனேக கேள்விகளுக்கும் இந்நூலில் பதில்கள் உள்ளன.

அது என்ன திராவிடர்? ஏன் தமிழர் என்று பெயரில்லை? நீதிக்கட்சி ஏன் தொடங்கப்பட்டது? அது பிரிட்டிஷ் ஆட்சிக்கு ஏன் உதவுவதாக இருந்தது? அக்கட்சி ஏன் சுதந்திர போராட்டத்தில் ஈடுபடவில்லை? 17ஆண்டுகள் தொடர்ந்து சென்னை மாகாணத்தை ஆட்சி செய்த நீதிக்கட்சி ஏன் தோல்வியை சந்தித்தது? அதற்கு பிறகு கிட்டத்தட்ட முப்பது ஆண்டுகள் கழித்து திராவிட முன்னேற்றகழகமாக எப்படி ஆட்சியை பிடித்தது? பெரியாரும் அண்ணாவும் ஏன் பிரிந்தனர்? பெரியார் திமுகவை ஏன் எதிர்த்தார்? பெரியார் தமிழை காட்டிமிராண்டி மொழி என்று சொன்னாரா? பெரியாரின் கொள்கைகளை திராவிடகட்சிகள் எந்த அளவுக்கு செயல்படுத்தி காட்டியுள்ளன? பெண்கள் விடுதலைக்காக என்ன செய்துவிட்டது திராவிடர் இயக்கம்? திராவிட நாடு கோரிக்கையை ஏன் அண்ணா கைவிட்டார்? மதுவிலக்கு பிரச்சனையில் திமுக மட்டும்தான் குற்றவாளியா? எம்ஜிஆரும் கலைஞரும் ஏன் பிரிந்தனர்? சர்க்காரியா கமிஷனின் விஞ்ஞானபூர்வமான ஊழலுக்கு பின்னுள்ள அரசியல் என்ன? ஈழ விவகாரத்தில் கலைஞர்மட்டும்தான் ஒரே குற்றவாளியா? வைகோவால் கம்யூனிஸ்ட்டுகளால் ஏன் தமிழக அரசியில் பிரகாசிக்க முடியவில்லை? விஜயகாந்தால் எப்படி கொள்கையே இல்லாமல் கட்சி நடத்தமுடிகிறது? திராவிடர் கட்சிகள் தமிழகத்திற்கு என்ன செய்து கிழித்துவிட்டன? நாம் என்ன அப்படி முன்னேறிவிட்டோம்? இந்துத்துவா கட்சிகள் ஏன் ஜெவை ஆதரிக்கின்றன? ஏன் எல்லா பத்திரிகைகளும் திமுகவையே குறிவைத்து அளவுக்கதிகமாக விமர்சிக்கின்றன?
உஃப் மூச்சு வாங்குகிறது.

இப்படி திராவிட இயக்கத்தை விமர்சிக்கிற ஆதரிக்கிற ஒவ்வொருவருடைய கேள்விக்கும் இப்புத்தகத்தில் ஆதாரங்களுடன், ஆய்வு நூல்களின் மேற்கோள்களுடன் விடையளிக்கிறார் கோவி லெனின். இக்கேள்விகளை ஒரு பேராண்டி கேட்பதாகவும் அதற்கு ஒரு திராவிடர் தாத்தா பதில் சொல்வதுமாக எழுதியிருப்பது படிக்கும்போது சுவாரஸ்யமாக இருந்தது. சில விடைகளே கூட கேள்விகளாக மாறி பின் அதற்கும் ஆய்வு நூல் ஆதாரங்களை அடுக்குகிறார் தாத்தா! திராவிடர் இயக்கம் தோத்துடுச்சா தாத்தா என்று பேரன் கேட்க பதறிப்போகும் தாத்தா அதற்கு சொல்கிற பதிலை படிக்கும்போது கலங்கிப்போன கலைஞரே பதில் சொல்வதாக உணர்ந்தேன். என்ன பதில் சொன்னார் என்பதை புத்தகத்தில் படித்துக்கொள்ளவும்.

அதோடு அண்ணா,பெரியார் மறைவுக்கு பிறகு எம்ஜிஆர் கலைஞர் காலத்தில் திராவிடர் இயக்க கட்சிகள் தன்னுடைய கொள்கை அரசியலை கைவிட்டு சுயவிருப்பு வெறுப்பு சார்ந்த அரசியலை கையிலெடுத்துகொண்டதையும், அதனால் இங்கே உருவான அரசியல் மாற்றங்களையும் விரிவாக விமர்சனம் பண்ணியிருக்கிறார் லெனின். அதோடு வெறும் கலைஞர் எதிர்ப்பை மட்டுமே வைத்துக்கொண்டு பண்ணுகிற ஜெவின் அரசியலையும் அதை தாக்குமுடியாமல் தடுமாறி திமுக தன் கொள்கைகளை கைவிட நேர்ந்ததையும் கூட விமர்சிக்கிறார்.

சாதிவிஷயத்தில் திமுகவும் அதிமுகவும் கொஞ்சம் முன்னபின்ன அட்ஜெஸ்மென்ட் பண்ணிக்கொண்டதால் உண்டான சறுக்கல்கள். குறிப்பாக தலித் மக்களுக்கு இன்றுவரை இழைக்கப்படும் அநீதிகளை திராவிடகட்சிகள் கண்டும் காணாமல் எதிர்கொள்ளும் நிலை. இக்கட்சிகளின் சில மோசமான நடவடிக்கைகளால் திராவிடர் இயக்கத்தின் அடிப்படையான சமூகநீதி என்கிற விஷயமே இப்போது கேள்விக்குள்ளாகியிருப்பது. ஒட்டரசியலுக்காக திருமங்கல் ஃபார்முலா வரை தரம் தாழ்ந்துபோனது, கலைஞரின் குடும்ப அரசியலால் உண்டான சலசலப்பு, ஜெவின் இந்துத்துவா நிலைப்பாட்டால் திராவிடர் கொள்கைகள் காற்றில் பறந்தது என பல விஷயங்களை தொட்டுச்செல்கிறது நூல்.

கடந்த நூறாண்டுகளில் சமூக தளத்திலும் பண்பாட்டு தளத்திலும் தமிழர்கள் வந்தடைந்திருக்கிற மாற்றத்தை நூலை படித்து முடிக்கும்போது உணர முடிகிறது. வருங்காலத்தில் திராவிட இயக்கம் தன்னை தமிழகத்தில் நிலைநிறுத்திக்கொள்ளவும் புதிய இளைஞர்களிடம் தன் சமூகநீதி சார்ந்த கொள்கைகளை கொண்டு செல்லவும் என்னவெல்லாம் செய்யலாம் என்கிற பரிந்துரைகளையும் வழங்குகிறார்.

நூலின் மிகப்பெரிய குறையாக நான் கருதுவது கடந்த பதினைந்தாண்டுகால அரசியல் வரலாற்றை விரைவாக தாண்டியதுதான். அதை இன்னும்கூட விரிவாக அணுகியிருக்கலாம். திராவிடர் இயக்கம் வீழத்தொடங்கியது இந்த காலத்தில்தானே! அது இன்னும்கூட வீழ்ச்சிக்கான காரணங்களை விரிவாக அலசியிருக்கும் என்பது என்னுடைய அபிப்ராயம்.

கிளிப்பிள்ளைக்கு சொல்லித்தருவதைப்போல தமிழக அரசியலை அதன் பின்னணியை கற்றுத்தருகிறார் கோவிலெனின். தமிழக அரசியல் வரலாற்றில் ஆர்வமுள்ளவர்கள், திராவிட இயக்கங்களை பற்றி தெரிந்துகொள்ளவிரும்புபவர்கள், திராவிடர் இயக்கங்களை விமர்சிக்கவோ பாராட்டவோ திட்டவோ விரும்புகிறவர்கள் என அனைவரும் அவசியம் வாசிக்கவேண்டிய நூலாக இது இருக்கிறது. (திட்ட நினைப்பவர்களுக்கு நிறைய பாயின்டுகள் கிடைக்கும்) அதோடு தமிழக அரசியல் குறித்த சிறந்த அறிமுகத்தையும் தேடலையும் நமக்குள் உண்டாக்கிவிடுகிறது இந்நூல்.



***

திராவிடர் இயக்கம் - நோக்கம்,தாக்கம்,தேக்கம்
கோவி.லெனின்
நக்கீரன் பதிப்பகம்
விலை.175

புத்தகத்தை ஆன்லைனில் வாங்க - http://discoverybookpalace.com/products.php?product=%E0%AE%A4%E0%AE%BF%E0%AE%B0%E0%AE%BE%E0%AE%B5%E0%AE%BF%E0%AE%9F%E0%AE%B0%E0%AF%8D-%E0%AE%87%E0%AE%AF%E0%AE%95%E0%AF%8D%E0%AE%95%E0%AE%AE%E0%AF%8D

23 comments:

தமிழானவன் said...

நூறு நன்றிகள் இது போன்ற நூலை அறிமுகம் செய்ததற்கு. திராவிட இயக்கம் அளித்த பங்களிப்புகள் பற்றிய ஒரு நூலைத்தான் எதிர்நோக்கிக் காத்திருந்தேன். உங்கள் நூற்குறிப்பு இதை வாங்கவேண்டுமென்ற ஆவலை உண்டாக்கிவிட்டது. இவை போன்ற பல முக்கிய நூல்கள் எளிய தகவல்களுடன் இருப்பவை அறிமுகமாவதே தெரிவதில்லை.

vijiy said...

#எவ்வளவு பலமான அஸ்திவாரமிருந்தால் இத்தனை ஊழல்களுக்கு மத்தியிலும், அவப்பெயர்களுக்கு மத்தியிலும், குடும்ப ஆதிக்கங்களுக்கு மத்தியிலும். திராவிட இயக்கங்கள் தன்னை நிலைநிறுத்திக்கொண்டு இருக்க முடியும்.# இது என்ன சுய விமர்சனமா அல்லது தற்ப்பெருமையா ?!

Anonymous said...

If ADMK is "hindutva" party, what about DMK what had an alliance with BJP is not supportive of same Hindutva?

If everyone is critical of a person, you need to ask "why so?" Because there must be something wrong with that person.. So much so that another person can run a party just by being against him!! (as per your own or book author's own judgement)

As Kamarajar said "iruvarum ore kuttaiyil oriya mattaikaLe"!

வேல்முருகன் said...

சாரே இதே கலைஞர் தான் காமராஜரை ஆணழகன், அண்டங்காக்கை அப்படின்னு கடந்தகாலத்தில் மிகவும் நாகரிகமாக விமர்சித்தவர். அந்த விதையைத்தான் இப்போது அறுவடை செய்கிறார்.

Anonymous said...

இதை இப்படியும் சொல்லலாமா? காங்கிரஸ் - இந்திய சுதந்திர போராட்டத்திற்காக எத்தகைய பணியை ஆற்றி இருந்தால் - அவர்களின் இன்றைய ஊழலை, இன்னும் பல அக்ரமங்களையும் தாங்கி கொண்டு பொதுமக்கள் காங்கிரஸையே ஆதரித்து கொண்டிருப்பார்கள். அவ்வளவு அவப்பெயர்களுக்கு மத்தியிலும், தவறுகளுக்கு பிறகும் காங்கிரஸ் இரும்பு கோட்டையாக எப்படி உள்ளது - அதன் பணி, அதன் தியாகம் என்பீர்களா.

Peppin said...

Thanks Athisha, I would read this book when I get a chance...

"ஊருக்கு இளைத்தவன் பிள்ளையார் கோயில் ஆண்டி என்கிற பழமொழிக்கு சரியான உதாரணம் கலைஞர் கருணாநிதிதான்"

100% correct...

தன் மீது வைக்கப்படும் விமர்சனங்களை எளிதாக எடுத்துக்கொள்ள கலைஞரைப்போல் யாராலும் முடியாது...
அதனாலோ என்னவோ, ஆளுக்கு ஆள்...அவரை தாக்குகிறார்கள்.

phantom363 said...

just ordered it online. looks very interesting and informative :) good to know the success and failures, and lessons learned. thanks for introducing this book.

ttpian said...

Dear Brother!
i was supporting Kalaigner till 2009 Feb:Just tell me and justify his stand on Tamil community?
when MK is unable to get the things done,
COME O U T

Unknown said...

மிக்க நன்றி....

நம் தமிழக அரசியல் கடந்து வந்த பாதையை அறிய ஒரு சிறப்பான அறிமுகம்...

கம்யுனிசம், சோசலிசம், பாஸிசம்ன்னு அந்நிய கொள்கைகளை அறிந்துகொள்ளும் ஆர்வம் உள்ள நமக்கு...நமது திராவிடம் (பெரியாரிசம்) பற்றி அவ்வளவாக அறிந்துகொள்ள நினைப்பதில்லை...

இங்கிருக்கும் நூல்களும் சில விசயங்களை மறைத்தும், சிலவற்றை மிகுதிப்படுத்தியும் தான் கூறுகின்றன...

Anonymous said...

திராவிட இயகத்தின் அருமை இப்போது தெரியாது சிலருக்கு.....மீண்டும் சிறைப்படும் போது புரியும்...

Anonymous said...

Fact.

Anonymous said...

for dummies by dummies to dummies :)

Anonymous said...

திராவிட இயக்கம் இல்லாத கேரளம் தமிழ்நாட்டை விட பலவகைகளில் முன்னேறியுள்ளதே அது எப்படி?. தனி நபர் வருமானம்,தொழில்மயமாதல்,பொது சுகாதாரம் இதில் எதிலும் தமிழ்நாடு இந்தியாவில் முதலிடத்தில் இல்லையே அது ஏன்?திராவிட இயக்கம் விடுதலைப் போரட்ட காலத்தில் யாருக்கு பல்லக்கு தூக்கியது?
‘பெண்கள் மீதான அடக்குமுறைகளுக்கு எதிராக திராவிட இயக்கங்களின் போராட்டங்களை பற்றி ஒன்றுமே தெரியாது. ’
புளுகினாலும் நம்பும் படி புளுகவும்.

கரந்தை ஜெயக்குமார் said...

நூலினை வாங்கிவிட்டேன் ஐயா படிக்க வேண்டும்.

Anonymous said...

ipadiyum book ah sale pandra tips ungalukku than pa theriyum

நிரஞ்சன் தம்பி said...

காமராஜர் காலத்தில் திமுக - அதிமுக பிரிவு நிகழ்ந்ததா? நிற்க, திராவிட இயக்கம் மீது ஆயிரம் பழி சொன்னாலும், முக, எம்சீயார், செயா போன்றோர் விட்டுக் கொடுப்புக்கள் செய்து விட்ட போதும், திராவிட இயக்கம் ஆற்றிய, ஆற்றுகின்றன சாதனைகள், சமூக மாற்றங்கள், கல்வி, பொருளாதார வளர்ச்சிகள் மிக அதிகம். பெண்கள் அதிகம் பணியாற்றும், பாதுகாப்பான மாநிலம், அதிகளவு இட ஒதுக்கீடு, உதவித் தொகை, இருப்பதும் இங்கே. திருநங்கையருக்கு அரசு அங்கீகாரம் கிட்டியது, சாதியம் குறைந்தது எல்லாம் இங்கு தான். இலவசக் கல்வி, மதிய உணவுத் திட்டம் உருவானதும் இங்கு தான். பல சறுக்கல்கள், ஊழல்கள் உண்டு என்றாலும் திராவிட இயக்கத்தை முற்றாக புறந்தள்ள முடியாது.. நல்ல புத்தகம் அனைவரும் வாசிக்க வேண்டுகின்றேன்.

Rajini said...

நீங்கள் சொல்லுவது உண்மை தான், திராவிடர் இயக்கம் செய்த பணிகள் மகத்தானது, திராவிட முன்னேற்ற கழகம் என்ன செய்தது என்று விளக்கினால் கலைஞருக்கு தங்கள் முட்டு கொடுப்பதில் ஒரு நியாயம் இருக்கும்....

Anonymous said...

"For dummies by dummies to dummies ". I like that :-)

திண்டுக்கல் தனபாலன் said...

naayeeee~ pathivar thiruvillavirjy vareeta naayeeee~

Anonymous said...

//திராவிட இயக்கம் இல்லாத கேரளம் தமிழ்நாட்டை விட பலவகைகளில் முன்னேறியுள்ளதே அது எப்படி?. //

எப்படி....உண்பது முதல் உண்பது உடுப்பது வரை சகலமும் பிற மாநிலங்களின் தயவில். அவர்களின் ஏற்றுமதி "மனிதர்கள்" மற்றும் மருத்துவ கழிவுகள் முதலானவற்றை தமிழகத்தில் கொட்டுவது.

கூகுள் தேடல் "மருத்துவ கழிவு"...

Anonymous said...

Hope you will post this link for your followers' benefit:

https://othisaivu.wordpress.com/2013/08/11/post-230/

Anonymous said...

Recently I read about this in - of all places ! - Tamil Brahmins.com.

It was praised there, surprisingly. That shows how relevant the movement was once; and without that, TN would continue to represent one and only community - the Tamil Brahmins.

Ari Ganapathy said...

airoppiya naattu kalaasaaraththai parappiya telungan thiraavidan endru koorik kollath thaguthiyatravan.

There was an error in this gadget