15 November 2009

விமர்சனம் எக்ஸ்பிரஸ் - 2012 + இன்குளோரியஸ் பாஸ்டர்ட்ஸ்



இன்குளோரியஸ் பாஸ்டர்ட்ஸ். பிரபல '' ஹாலிவுட் சாருநிவேதிதா'' குவான்டின் டோரன்டினோவுடைய லேட்டஸ்ட் படம். பிராட் பிட் நடிப்பில் பல நாட்களுக்கு முன் வெளியானது. தேவி தியேட்டரில் ரீரிலிஸ் செய்திருந்தார்கள். மூன்று பேர் மட்டுமே அமர்ந்து கொண்டு படம் பார்க்கத்துவங்கினோம். குவான்டின் படங்களில் வசனம் ரொம்ப ஷார்ப்பாக இருக்கும் என்று தெரியும் ஆனால் இத்தனை ஷார்ப்பாகி நமது கழுத்தையே பதம் பார்க்கும் அளவிற்கு இருக்குமென்று தெரியாது. ஸ்ஸ்ப்பா முடியல! வாய் வலிக்கற வரைக்கும் பேசிகிட்டே இருக்காய்ங்க.

படத்தில் துவக்கத்தில் வருகிற பீத்தோவனுடைய சிம்பொனி மெதுவாக துவங்கி பின் வன்முறையாக ஒலிக்கும் போதே நிமிர வைக்கிறது படம். அதிலும் அந்த ஆரம்ப காட்சியில் வருகிற (வில்லன்) ஹன்ஸ் லன்டாவாக வரும் கிரிஸ்டோ வால்ட்ஸின் நடிப்பு.. ச்சே கிளாஸ்!. இத்தனை கொடூரமான வில்லனை பார்ப்பது இதுதான் முதல் முறை. ரத்தமில்லை. கத்தியில்லை. வெறும் சிரிப்பு சிரிப்பு. புன்னகை. அழகான வில்லன். பிராட் பிட் சொதப்பல் நடிப்பு. காட்பாதர் மர்லன் பிரான்டோவை உல்டா அடித்தது போலிருக்கிறது அவரது கெட்டப் மற்றும் நடிப்பு.

குவான்டின் டோரன்டினோ கொஞ்சம் ஓவரா படத்தை செதுக்கி செதுக்கி படம் லேசா நொறுங்கிருச்சோனு தோணுது. மத்தபடி படத்தோட மேக்கிங்! செம ஸ்டைலு , அந்தக்காலத்து கதையையே இவ்ளோ ஸ்டைலா குவான்டினால மட்டும்தான் எடுக்க முடியும். தலைவன் தலைவன்தான். கலக்கிருக்கான். ஒரு வாட்டி கஷ்டப்பட்டு பார்க்கலாம்

*******

உலகத்தை அழிச்சு அழிச்சு விளையாடறதே இந்த அமெரிக்கா காரங்களுக்கு வேலையா போச்சு! 2012னு ஒரு படம் , படு பயங்கரமான கிராபிக்ஸ். மலை உருளுது புரளுது , எரிமலை வெடிக்குது. வானுயர சுனாமி வருது , பூமி பொழக்குது , மொத்தமா மக்களெல்லாம் செத்துப்போறாங்க.. இழவெடுத்த எமிரிச்சுக்கு நல்லமாதிரியே படம் எடுக்க வராது போல!

தியேட்டரே ஸ்தம்பிச்சு போய் பாக்குது. படம் பூரா கிராபிக்ஸு , அருந்ததி கிராபிக்ஸுக்கே ஆனு வாயப்பொழந்தவனுங்க ஹாலிவுட் கிராபிக்ஸுக்கு என்ன செய்வானுங்க , உலகம் அழிஞ்சு போறத பாத்து விசில்தான் , கைத்தட்டல்தான் , ஆனா நமக்குத்தான் மனசுக்குள்ள லேசா குத்துச்சு .

படத்தோட கதை மொன்னையான கதைதான் , எப்பயும் போல உலகம் அழியுது , அப்ப ஒரு குடும்பம் அதையெல்லாம் தாண்டி தப்பிக்குது. ஸ்பீல்பெர்க்கோட வார் ஆப் தி வோர்ல்ட்ஸ்னு ஒரு படம். அதே கதை. அதே பொண்ட்டாட்டி ஓடிப்போனவன்தான் ஹீரோ. அவனுக்கு பொறந்த குழந்தை. படத்துல வர யாருக்குமே ஒரு புருஷன் ஒரு பொண்டாட்டியே கிடையாது. (அப்புறம் ஏன் உலகம் அழியாது).

கிளைமாக்ஸ்ல ஓடிப்போன பொண்டாட்டியோட சேர்ந்துருவான் ஹீரோ. நடுவுல எல்லாரும் சாவாங்க ஹீரோவும் குழந்தையும் தப்பிச்சுருவாங்க!. அப்புறம் கொஞ்சம் பைபிள் ரிவர்ஸ். நோவாஸ் ஆர்க். மாயன்ஸ். சைன்டிபிக்கா குளோபல் வார்மிங்னு மியாவ் மியாவ் மியாவ்னு ... புல் ஷிட்.

மத்தபடி கிராபிக்ஸ்க்காக வாய பப்பரப்பானு பொழந்துகிட்டு பாக்கலாம். படம் செம மொக்கை!

(ஒரு வேளை இந்த படத்துல வரமாதிரி நிஜமாலுமே உலகம் அழியுதுனு வச்சுக்குவோம் , அதுலருந்து தப்பிக்க பைபிள்ல வரமாதிரி நோவாஸ் ஆர்க் மாதிரி ஒரு கப்பல் ரெடி பண்றாங்கனு நினைச்சுக்கலாம்!

தமிழ்நாட்டுலருந்து யாரு முதல்ல அதுல தப்பிச்சு போவாங்கனு யோசிச்சேன்.. உலகத்தோட பெரும் பணக்காரங்க மட்டுமே போகக்கூடிய கப்பல் அது , அப்படினா யாரு முதல்ல போவா! ஆமா அவரேதான்.. என்ன நம்மூரு பணக்காரரு குடும்பம் கொஞ்சம் பெரிசு..அதனால எண்ணிக்கை அதிகம்னு பாதி வழில இறக்கிவிட்டுருவாங்க.. யாருனு உங்களுக்கே தெரிஞ்சுருக்கும் அத நான் வேற சொல்னுமாக்கும்.)


****

இப்படியாகப்பட்டது ஆங்கிலத்திலும் பல மொக்கைப்படங்கள் வருவதால் மக்கள் ஜாக்கிரதையாக இருப்பது நல்லது. ஆங்கிலத்தில் வரும் நல்ல படங்களில் விமர்சனங்கள் மட்டுமே வெளியாகி வரும்நிலையில் மொக்கைப்படங்களையும் அடையாளம் காட்டவேண்டியது நம்ம கடமை இல்லையா!

10 comments:

வழக்கறிஞர் சுந்தரராஜன் said...

//(ஒரு வேளை இந்த படத்துல வரமாதிரி நிஜமாலுமே உலகம் அழியுதுனு வச்சுக்குவோம் , அதுலருந்து தப்பிக்க பைபிள்ல வரமாதிரி நோவாஸ் ஆர்க் மாதிரி ஒரு கப்பல் ரெடி பண்றாங்கனு நினைச்சுக்கலாம்!

தமிழ்நாட்டுலருந்து யாரு முதல்ல அதுல தப்பிச்சு போவாங்கனு யோசிச்சேன்.. உலகத்தோட பெரும் பணக்காரங்க மட்டுமே போகக்கூடிய கப்பல் அது , அப்படினா யாரு முதல்ல போவா! ஆமா அவரேதான்.. என்ன நம்மூரு பணக்காரரு குடும்பம் கொஞ்சம் பெரிசு..அதனால எண்ணிக்கை அதிகம்னு பாதி வழில இறக்கிவிட்டுருவாங்க.. யாருனு உங்களுக்கே தெரிஞ்சுருக்கும் அத நான் வேற சொல்னுமாக்கும்.)//

நக்கலு...?

வீட்டுக்கு ஆட்டோ வரப்போவுது! ஜாக்கிரதை!

பித்தன் said...

ஆட்டோ வரப்போவுது!

சங்கரராம் said...

nalla vimarsanam

வெற்றி said...

ஆட்டோவ start பண்ணியாச்சு....ரைட் ரைட்.....

விந்தைமனிதன் said...

//படத்துல வர யாருக்குமே ஒரு புருஷன் ஒரு பொண்டாட்டியே கிடையாது. (அப்புறம் ஏன் உலகம் அழியாது)//
இதுதான் அதிஷா பஞ்ச்சா!

//இப்படியாகப்பட்டது ஆங்கிலத்திலும் பல மொக்கைப்படங்கள் வருவதால் மக்கள் ஜாக்கிரதையாக இருப்பது நல்லது. ஆங்கிலத்தில் வரும் நல்ல படங்களில் விமர்சனங்கள் மட்டுமே வெளியாகி வரும்நிலையில் மொக்கைப்படங்களையும் அடையாளம் காட்டவேண்டியது நம்ம கடமை இல்லையா! //
இதுனாலதான் நான் இங்கிலீசு படமே பாக்குறது இல்ல. (ஹி... ஹி... வஜனம் புரிஞ்சித் தொலையாதுங்கோவ்!)

அகல் விளக்கு said...

2012- படத்த சுருக்கமா தெளிவா விமர்சனம் பண்ணிட்டீங்க.

இன்னோன்னு...

உலகம் அழியறத கண்டுபிடிச்சவன் இந்தியாக்காரனாமா...

ஆனா ஒரு இந்தியாக்காரன் கூட தப்பிக்கமாட்டானாமா...

என்ன கொடும சார் இது...

2012-க்கு பொறவு ஒரு இந்தியாக்காரனும் இருக்கப்படாது, அதுதான அவனுகளுக்கு வேணும்?

" உழவன் " " Uzhavan " said...

//அதனால எண்ணிக்கை அதிகம்னு பாதி வழில இறக்கிவிட்டுருவாங்க//
 
யப்பா.. இப்பதான் மனசுக்கு நிம்மதியா இருக்கு :-)

வணங்காமுடி...! said...

\\ பூமி பொழக்குது \\

\\அதே பொண்ட்டாட்டி ஓடிப்போனவன்தான் \\

\\வாய பப்பரப்பானு பொழந்துகிட்டு \\

இவை போன்ற பிழைகளைக் கூட எப்படி கண்டு கொள்ளாமல் அனுமதிக்கிறீர்கள்? உங்களை நீண்ட நாட்களாக வாசித்து வருகிறேன். உங்களுடைய அத்தனை பதிவுகளிலும், இந்த மாதிரிப் பிழைகள் விரவிக் கிடக்கின்றன. இருந்தாலும், முன்பெல்லாம், பிழை தாண்டி ரசிக்கவாவது முடிந்தது. சில மாதங்களாக வெறும் எரிச்சல் மட்டும் தான் மிஞ்சுகிறது.

பதிவு எழுத நல்ல விஷயம் இல்லையென்றால், எடுத்துக்கொண்ட மொக்கைக் கருத்தையே மிக அழகாக சொல்லும் பதிவர்கள், இங்கு பலர் இருக்கின்றார்கள். பேசாமல் கொஞ்ச நாள் நீங்கள் பதிவிடுவதை நிறுத்தி வைக்கலாம்.

இதையும் பாராட்டிப் பின்னூட்டங்கள் வேறு. ம்ஹும்.

ஊர்சுற்றி said...

என்ன அண்ணே... இப்படி சொல்லிபுட்டீங்க. 2012 பத்தி நான் இன்னும் நிறைய எழுதணும்னு வைச்சிருக்கேன். :)

rsquared said...

but i think IB is the best work of tarantino so far....

There was an error in this gadget