09 November 2010

கொலைகளை கொண்டாடுவோம்

தீபாவளிக்காக கோவை சென்றிருந்தேன். கோவை முழுக்கவே எங்கு திரும்பினாலும் இரண்டு குழந்தைகளின் படம் போட்ட பிளக்ஸ் பேனர்களும் போஸ்டர்களும் தென்பட்டன. கண்ணீர் அஞ்சலி.. பிஞ்சுகளே.. கண்ணீர் சிந்துகிறோம், உங்களுக்காக வாடும்... என்பது மாதிரியான அஞ்சலி வாசகங்களும் காணக்கிடைத்தன. இந்துமக்கள் கட்சி தொடங்கி ஆட்டோ ஒட்டுனர் சங்கம், கவுண்டர் சங்கம்,நாம்தமிழர் என அனைவருமே போட்டிப்போட்டுக்கொண்டு போஸ்டர் ஓட்டியிருந்தனர். அய்ய்யோ நாம போஸ்டர் ஒட்டாட்டி நல்லாருக்காதோ என்று நினைத்து அவசர கதியில் சில போஸ்டர்களையும் காண முடிந்தது.

அண்மையில் ஒரு கால்டாக்ஸி டிரைவரால் கடத்தி கொடூரமாக கொல்லப்பட்ட இரண்டு குழந்தைகள் குறித்த செய்தி நாம் அறிந்ததே. கோவை முழுக்கவே இந்த இரட்டைக்கொலை பலரையும் உலுக்கி எடுத்துருக்கிறது. சென்னையில் இது மாதிரியான சம்பவங்கள் அடிக்கடி நிகழுவதால் இங்குள்ளவர்களுக்கு அது பெரிய பாதிப்பை உருவாக்குவதில்லை. சென்னை மக்களின் இருதயம் இரும்பால் செய்யப்பட்டது. ஆனால் கோவை மாதிரியான மிடில்கிளாஸ் மக்களின் அமைதி நகரத்தில் இந்தக்கொலை பெரிய தாக்கத்தை நிச்சயமாக ஏற்படுத்தியிருக்கிறது. கோவை மக்கள் கடுங்கோபத்தில் இருக்கிறார்கள் என்பது சிலரிடம் பேசியபோதே உணர முடிந்தது.உண்மையில் தமிழகத்தில் இதுமாதிரியான கொலைகள் அடிக்கடி நிகழ்ந்து கொண்டுதான் இருக்கிறதென்பதை ஜுவி,நக்கீரன் படிப்பவர்கள் தெரிந்துகொள்ள முடியும். ஆனால் இந்தக்கொலைக்கு அதீத விளம்பரம் கொடுக்கப்பட்டிருந்தது வியப்பளித்தது.

காண்பவரெல்லாம் நலம் விசாரிப்பதைப்போல் அந்த குழந்தைகள் மேட்டர் தெரியுமா? பாவம்! உச்! ச்சே இப்படி பண்ணிட்டாங்களே பாவிப்பசங்க! அவனுங்களையெல்லாம் நிக்க வச்சு சுடனும்.. நடுரோட்டுல கல்லால அடிச்சு கொல்லணும்.. இவனுங்களையெல்லாம் இன்னுமா உயிரோட விட்டுவச்சிருக்காங்க.. ! மிகச்சாதரணமாக பேருந்துகளிலும் சாலையிலும் காதில் வந்துவிழுகிற வார்த்தைகள் உக்கிரமாய் இருந்தன. இதற்கு முன் கோவை குண்டுவெடிப்பு சமயத்தில் இப்படிப்பட்ட பதற்றத்தை கண்டிருக்கிறேன். எங்கு பார்த்தாலும் துலுக்கனுங்கள தூக்குல போடணும்.. அவனுங்கள வீடு பூந்து வெட்டணும்.. குத்தணும் என வெறிகொண்டு வன்முறையாய் அலைந்தவர்களை கண்டிருக்கிறேன்.

கொலையாளிகள் இருவரும் பிடிபட்டதாக போலீஸ் அறிவித்திருந்தது. விசாரணைக்கு அழைத்து செல்கையில் தப்பியோட முயன்றபோது சுட்டுக்கொல்லப்பட்டிருக்கிறார் கொலையாளிகளில் ஒருவர். கைகள் விலங்கிடப்பட்ட நிலையில் அருகிலிருந்த காவலரின் துப்பாக்கியை எடுத்து இருவரை சுட்டும் இருப்பதாக காவல்துறை அறிவித்துள்ளது. இன்னும் அவர்மீதான குற்றங்கூட நிரூபிக்கப்படவில்லை.

நீதி கிடைத்துவிட்டதாக கோவை நண்பர் ஒருவர் காலையிலேயே போனில் அழைத்து மகிழ்ச்சியோடு பேசினார். இன்னும் சிலரிடம் பேசியபோதும் மகிழ்ச்சியாய் உணர்வதாகவும் , இப்போதுதான் திருப்தி என்றும் கூறினர். அந்தக்குழந்தைகளின் ஆன்மா இப்போதுதான் சாந்தியடைந்திருக்கும்.. அக்குழந்தைகளின் பெற்றொருக்கு இப்போதுதான் நிம்மதியாய் இருக்கும்.. என்றெல்லாம் பேசிக்கொண்டிருந்தார் நண்பர். ஆஹா கொலையாளி அழிந்தான்.. திருப்திதான். ஆனால் ஒரு கொலைக்கு இன்னொரு கொலை தீர்வாகுமா? ஒரு தவறுக்கு தண்டனையாக இன்னொரு தவறு சரியாகுமா? என அடுக்கடுக்காக கேள்விகள். கொலை திருப்தி தருமா?

நிச்சயமாக காவல்துறையின் இந்த என்கவுன்ட்டர் 'கொலை' தமிழகத்தில் பெரும்பாலோனோருக்கு மகிழ்ச்சி அளித்திருக்கிறது. தினமலரின் இணையதளத்தில் வெளியாகியுள்ள இச்செய்திக்கு வந்திருக்கும் பின்னூட்டங்களை படித்தாலே இது புரியும். ஒரு சோறு பதம். 500க்கும் மேல் பின்னூட்டங்கள். மக்களுக்குத்தான் எவ்வளவு மகிழ்ச்சி. கோவையில் பல இடங்களில் மக்கள் பட்டாசு வெடித்து கொண்டாடினர். பத்திரிகை ஒன்றோ மனிதமிருகம் சுட்டுக்கொலை என செய்தி வெளியிடுகிறது.

 குற்றம் நிரூபிக்கப்படாமலேயே ஒருவனை போலீஸ் என்கவுன்ட்டர் என்ற பெயரில் கொலை செய்திருக்கிறது. அவன் மனிதமிருகமாம்! பத்திரிகை செய்தி ஒன்று சான்று கொடுக்கிறது. அவன் அந்தக்குழந்தைகளை கொல்லாதவனாக இருந்தால்? யாரோ ஒரு அப்பாவியாக இருந்தால்?

குழந்தைகளை கொன்றது மிகப்பெரிய தவறுதான். மாபாதகம்தான். மோகன்ராஜ் செய்திருப்பது படுபாதகசெயல்தான். அவனுக்கு இரட்டை ஆயுள் தண்டணை கூட கொடுக்கலாம். ஆனால் அதை செய்தவர் யார் என்பதை கண்டறியவும், கண்டறிந்து தீர்ப்பு வழங்கவும் நீதிமன்றம் இருக்கையில் , எந்த விசாரணையுமின்றி இப்படி சுட்டுக்கொல்வது காட்டுமிராண்டித்தனமின்றி வேறேது. தமிழ்சினிமாவின் கிளைமாக்ஸ் பழிவாங்கல்களை ரசித்து கைதட்டி கொண்டாடும் அதே மனநிலையோடு வாழும் நமக்கு இது மகிழ்ச்சியை அளிக்கலாம். இதனை கைதட்டி வரவேற்கலாம். ஆனால் நாளைக்கே நீங்களும் நானுங்கூட தனிப்பட்ட விவகாரங்களுக்காக விசாரணையின்றி என்கவுன்ட்டரில் சுட்டுக்கொல்லப்படலாம். என்கவுன்ட்டருக்கு மக்கள் ஆதரவளிப்பது எவ்வளவு ஆபத்தை அவர்களுக்கே விளைவிக்கும் என்பதை இங்கே யாரும் உணர்வதில்லை.

சமூக குற்றங்களுக்கு மரணதண்டனைகள் எப்போதும் தீர்வாகாது. அதற்கான வேரை கண்டறிந்து அதை களைவதே சிறந்தது. உண்மையில் மோகன்ராஜிற்கு தேவை நல்ல மனநல மருத்துவர். அவனை இந்த குற்றத்திற்கு தூண்டியது எது என்பதை கண்டறிந்து இன்னொரு முறை இப்படி ஒரு வக்கிரம் நடக்காமலிருக்க வேரிலேயே பிரச்சனைகளை தீர்க்க முனையவேண்டும். ஆனால் மக்களுடைய மனதில் ஒரு இன்ஸ்டன்ட் மகிழ்ச்சியை அளிப்பதன் மூலம் எதை மறைக்க முயல்கிறது தமிழக அரசு. இங்கே ஒவ்வொரு நாளும் இதுமாதிரியான ஆட்கடத்தல்களும் கொலைகளும் நடந்துகொண்டுதான் இருக்கிறது. ஆனால் அதில் மாட்டிக்கொண்ட ஒருவனை கொன்றாகிவிட்டது. மற்றவர்கள்?

மோகன்ராஜ் அந்தக்குழந்தைகளை கடத்தி கொன்றது அக்கிரமம், வன்முறை என்றால்,  அவனை உயிரோடு பிடித்து என்கவுன்ட்டரில் கொன்றது மட்டும் என்ன சூரசம்ஹாரமா? இப்படி குற்றவாளிகள் அனைவரையும் பிடித்து விசாரிக்காமல் கொல்வதென்றால் நீதிமன்றம் எதற்கு? வக்கீல்களுக்கு ஷேவிங் செய்துவிடுவதற்கா?

சமூக குற்றங்கள் அனைத்திற்குமே என்கவுன்ட்டர்கள்தான் தீர்வென்றால் இங்கே யாருமே உயிரோடிருக்க முடியாது. மாட்டிக்கொண்ட ஒரு மோகன்ராஜினை என்கவுன்ட்டரில் தீர்த்துக்கட்டியாகிவிட்டது. இன்னும் விஐபிகளாகவும் மந்திரிகளாகவும் ஏன் காவல்துறையிலேயே பணியாற்றுகிற மோகன்ராஜினைவிடவும் மோசமான குற்றவாளிகளை சுதந்திரமாகத்தானே உலவ விட்டிருக்கிறோம். அவர்களை என்ன செய்துவிட்டோம்.

உதாரணத்திற்கு ஒரு குறிப்பிட்ட கட்சி ஊழல் செய்தது என்று தெரிந்தும் அடுத்தடுத்த தேர்தலில் காசு வாங்கிக்கொண்டு அவர்களுக்கே ஓட்டுப்போடுகிற மக்களின் கைகளை வெட்டி விட்டால் எல்லாம் சரியாகிவிடுமா?

இங்கே சமூக குற்றங்களுக்கான காரணிகள் ஆராயப்படவேண்டும். பணமும் பலமும் இருப்பவன் இங்கே எக்குற்றம் செய்தாலும் தப்பித்துவிட முடியும் என்கிற நிலையை மக்கள்தான் மாற்ற முனையவேண்டும். ஆனால் இங்கே இப்படி ஒரு இன்ஸ்டன்ட் கொலையை ஆதரித்து கொண்டாடும் மனநிலையில் அல்லவா நாம் இருக்கிறோம்! எங்கே போகிறோம் நாம்?

59 comments:

வழக்கறிஞர் சுந்தரராஜன் said...

//உதாரணத்திற்கு ஒரு குறிப்பிட்ட கட்சி ஊழல் செய்தது என்று தெரிந்தும் அடுத்தடுத்த தேர்தலில் காசு வாங்கிக்கொண்டு அவர்களுக்கே ஓட்டுப்போடுகிற மக்களின் கைகளை வெட்டி விட்டால் எல்லாம் சரியாகிவிடுமா? //

நல்ல சமூக விமர்சனம்!

senthil said...

என்ன ஒரு ஆழமான கருத்து..!

மனநல மருத்துவரிடம் போக வேன்டியது அவர்கள் அல்ல. நீங்கள் தான்.,

Anonymous said...

Unga advie siripu than varuthu brother....ethay sambam unga family la nadantha epidi pesa matinga. suma yathathu yeluthanum nu yeluthathinga.

vaanmugil said...

கொலைக்கு கொலை தீர்வாகாது தான். இந்த என்கௌன்ட்டர் அவன் செய்த குற்றத்திற்காக மட்டும் அல்ல. அதிகரித்து வரும் குழந்தை கடத்தலை தடுப்பதற்காகவும் இனி யாரும் இந்த கொடுஞ்செயலை செய்ய கூடாது என்பதற்கு.

\\அவன் அந்தக்குழந்தைகளை கொல்லாதவனாக இருந்தால்? யாரோ ஒரு அப்பாவியாக இருந்தால்? //

அடுத்த பாராவில் நீங்களே "குழந்தைகளை கொன்றது மிகப்பெரிய தவறுதான். மாபாதகம்தான். மோகன்ராஜ் செய்திருப்பது படுபாதகசெயல்தான்." அவன் செய்தது குற்றம் தான் என்று ஒப்பு கொண்டீர். அது தான் உண்மை.

அவனை மன்னிக்க முடியாது அதிஷா. அவன் மனநல மருத்துவரிடம் செல்லப்பட வேண்டியவன் அல்ல. அவன் திட்டமிட்டு கடத்தி உள்ளான். அந்த குழந்தையை கொடுமை படுத்தியதை, வெறும் இரட்டை ஆயுள் தண்டனை பத்தாது.

Kovai Senthil said...

very good post...

மா சிவகுமார் said...

முற்றிலும் உடன்படுகிறேன்.

Kiruba said...

If you or your child is raped and killed You will know the pain. Being a third person you can share such feelings, but when a girl child is raped and killed the pain among the family and society is different, think like a second person or first person. Atleast be a human don't act or pretend like anything

Kiruba said...

If you or your child is raped and killed You will know the pain. Being a third person you can share such feelings, but when a girl child is raped and killed the pain among the family and society is different, think like a second person or first person. Atleast be a human don't act or pretend like anything

ஜீ... said...

நல்லா இருக்கு பாஸ்!

//உண்மையில் மோகன்ராஜிற்கு தேவை நல்ல மனநல மருத்துவர்//

அப்போ கொலைகாரங்க, ரேப் பண்றவங்க எல்லாரையும் அரசாங்க செலவுல, மன நல மருத்துவமனைல வச்சு பராமரிக்கலாம்..சிறைச்சாலைகளை எல்லாம் இழுத்து மூடிடலாமா?

//மாட்டிக்கொண்ட ஒருவனை கொன்றாகிவிட்டது. மற்றவர்கள்?//

மற்றவர்களுக்கு ஒரு பயம் வராதா?

//மக்களுடைய மனதில் ஒரு இன்ஸ்டன்ட் மகிழ்ச்சியை அளிப்பதன் மூலம் எதை மறைக்க முயல்கிறது தமிழக அரசு//

அதேதான்!

//விஐபிகளாகவும் மந்திரிகளாகவும் ஏன் காவல்துறையிலேயே பணியாற்றுகிற மோகன்ராஜினைவிடவும் மோசமான குற்றவாளிகளை சுதந்திரமாகத்தானே உலவ விட்டிருக்கிறோம். அவர்களை என்ன செய்துவிட்டோம். //

இது நியாயமான பேச்சு!

Joseph selvan said...

மிகவும் அதிர்ச்சியாய் உள்ளது உங்கள் கருத்து.
ரண சிகிச்சை செய்ய வேண்டிய நோய்க்கு மேற்பூச்சு களிம்பு பலன் தராது.

இவ்வளவு நாள் இந்தப்போக்கு தான் இவனுக்கு அவ்வளவு எளிதாக கொலை என்னத்தை தூண்டியது
இனி இது போல இரண்டு பேருக்கு உடன் தண்டனை வழங்கினால் , மிருகங்கள்??? மனிதர்களை தீண்ட அஞ்சும்.
நோய் தீவிரம் தெரியாது சிகிச்சை செய்தல் புரையோடி போகும் .

அதுதான் இப்போது கோவை மற்றும் சென்னை சம்பவங்கள்...

பொறுத்திருந்து பார்போம்... யாருக்கு மன நல மருத்துவம் தேவை என்று.
சற்று காட்டமாக இருந்தால் மன்னிக்கவும்.
"எழுத வேண்டும் என்று எதையோ அள்ளிக்கொட்டியது போன்று உள்ளது உங்கள் கருத்து "

நன்றாய் சிந்திப்போம்...

butterfly Surya said...

அதிஷா,உடன் படுகிறேன்.

கொலைகளை கூட கொண்டாடவும் ரசிக்கவும் சமூகம் மாறிவிட்டது.

நாளையே காவல்துறைக்கு வாழ்த்துகள், நன்றிகள்,பாராட்டுகள் என்று கோவை முழுவதும் ப்ளெக்ஸ் வைத்தாலும் ஆச்சரியமில்லை :( :(

அவசியமான பதிவு.

மணிஜீ...... said...

வினவில் வர வேண்டிய கட்டுரை

Anonymous said...

Naama Engeyum Pogala. Inga thaan irukom.

BTW Police encounter is not a first time occurence here. Let us think how those children suffered and died. Most of the criminal activities are based on money and Vengeance. However crime against children is not a compromise at any cost. These guys are NOT eligible to live in this world. Police department has given a resolution to him to come back after rebirth next time with good heart. This resolution to be applied to all criminals targetting children for money and sex.

If you say we should not celebrate such encounters, the very first celebration to be banned is Deepavali.

Bala

ஆரூரன் விசுவநாதன் said...

மிக அவசியமான பதிவு. மக்கள் மனோ நிலை மாறிவருவது நல்லதாகத் தோன்றவில்லை.

பிரச்சனைகளை உணர்வுத் தளத்திலிருந்து பார்க்கும் முறை எப்போது மாறுமோ????

திரைப் படங்களில் கதாநாயகன் வில்லனைக் கொல்லும் போது கைதட்டி ஆர்ப்பரிக்கும் வெகுஜன மனநிலைக்கு மெத்தப் படித்தவர்களும் மாறிவிட்டார்களோ என்று தோன்றுகிறது.

பகிர்ந்தமைக்கு வாழ்த்துக்கள்.

SHAHUL said...

கமிஷனர் சைலேந்திர பாபுவை பாராட்டியே வேண்டும்.

சங்கவி said...

//மோகன்ராஜிற்கு தேவை நல்ல மனநல மருத்துவர்//

பாதிக்கப்பட்ட குடும்பத்தில் ஒருவராக நீங்கள் இருந்தால் இந்த கருத்தைத்தான் சொல்வீர்களா...

குசும்பன் said...

மாகாத்மா காந்தியை நேரில் பார்க்கவில்லை என்ற குறை என்னிடம் இருந்தது, அது இப்பொழுது தீர்ந்துவிட்டது.

நீங்கள் ஒரு வாழும் மாகாத்மா காந்தி

நீங்கள் ஒரு வாழும் வள்ளலார்

வாழ்க வாழ்க!

(பிடிப்பட்டவர்களில் இன்னொருவன் இருக்கிறான்.அவனுக்கு மயில் இறகு வெச்சி .....வருடிவிட்டு தினம் தினம் தூங்கவைத்தால் இதுபோல் திரும்ப குற்றம் செய்யமாட்டான் என்று மனநலமருத்துவர் ஒருவர் சொன்னார், அதையும் செய்ய சொல்லிடலாம்)

Prasad said...

As kiruba told in his previous comment, you will feel the pain only when you lose someone whom you love so much. Ok as per ur statement, lets assume that they would have taken to the court and defenced themselves. Our court responsiveness will be very slow and they will get Vayda and finally people will forget the incident. Lets take the case of Kasab who is the culprit, still they r going to hang him. Thats the point would have happened if the killer would have been treated judicially. Ok if he is not a culprit then y should he pick the gun and shoot at the police station itself. Next what will you do if the justice proves that he is the culprit. These kind of encounters as u said should not be used across all. But this will defnly scare the bad guys. So don't think that what you are saying is all correct and for a social cause. Infact ur thread reflects the society which will be like mexican crimes.

Anonymous said...

ல்

னீலவண்ணன் said...

டாக்டர் தொழிலில் இருப்பவர்களுக்கு சாவு சாதாரனம் என்பது போல பத்திரிக்கை துறையில் இருக்கும் வஸ்துக்கள் சிலவற்றிற்க்கு தீவிர வாதி அயொக்கியனுக்கு பரிந்து பேச வேனுமுங்கிற அரிப்பு தன்னால வந்திடும் போலருக்கு.

இந்த மாதிரி வெட்டி நியாயம் பேசும் நபர்களை (ஒன்ன மாதிரி)பொதுமக்கள் முன்னால் ஒட விட்டு, கப்பு(அதம்பா மெடலு) கொடுத்தா, தன்னால் குற்றங்கள் குறைந்துவிடும்.

எத்தனி பெரிய கொடூரம் நிகழ்த்தியவர்களுக்கு இப்படி பரிந்து பேசகிறாயே தம்பி உனக்கு முழுசா பன்னு திங்க வாயாவது இருக்கா ?

இதை நீ அனுமதிக்காட்டியும் பராவாயில்லை சேதி உனக்கு தெரிஞ்சா போதும். அடக்கமா இருடே அதி

விந்தைமனிதன் said...

உங்கள் கட்டுரையின் தார்மீக நியாயம் எனக்குப் புரிகிறது. ஆனால்... அந்தக்குழந்தைகளை என்வீட்டுக் குழந்தைகளாக நினைக்கும்போது நானும் அரசும் காவல்துறையும் எடுத்த இதே முடிவைத்தான் எடுத்திருப்பேன். சில ஆண்டுகளுக்குமுன் ஆந்திராவில் நடந்த ஈவ்டீஸிங் கொலை வழக்கிலும் இதே போலத்தான் என்கவுண்டர் செய்யப்பட்டதும் எனக்கு நினைவுக்கு வருகின்றது.

மோகன்ராஜ் செய்தது உணர்ச்சிவசப்பட்டு அல்ல. ஆழமாக,நிதானமாக திட்டமிட்டு செய்யப்பட்டது. என்னைப்பொறுத்தவரை மனித அறத்தை மீறுகின்றவர்கள், மனிதத்தன்மையை இழந்தவர்கள் மனித சமூகத்தில் தொடர்ந்து இயங்கத் தகுதியற்றவர்கள். 'தகுதிநீக்கம்' செய்யப்பட வேண்டியவர்கள்.

அதே சமயத்தில் என்கவுண்டர் குறித்த உங்கள் கருத்து தீவிரமாகக் கவனத்தில் கொள்ள வேண்டிய விஷயம்.

பிரியமுடன் ரமேஷ் said...

உங்கள் கருத்துதான் எனது கருத்தும்.. உண்மையான மேட்டர் எதையோ மூடி மறைக்க அரக்க பரக்க நடந்திருக்கிறது இந்த என்கவுண்டர்.. மக்களுக்கு அந்த உண்மை தெரியப் போவதில்லை.. அவர்களுக்கு அது தேவையும் இல்லை.. நாடு உருப்புட்ட மாதிரிதான்..

கும்மி said...

விரிவாக பின்னூட்டமிட நேரமில்லாததால், இப்போதைக்கு மைனஸ் மட்டும்.

Anonymous said...

ஆரூரன் விசுவநாதன்,

அய்யோய்யோ உமக்கு என்னய்யா ஆச்சு !! நீரும் உளறுகிற கூட்டத்தில் சேர்ந்திட்டீரா !! நல்லாத்தானேங்கானும் இருந்தீர். முத்துவதுக்குள் எதாவது அருவியில் குளிக்கவும்

னேத்திரபிரபா

saravanan said...

நல்ல பதிவு அதிஷா, இது போல ஒரு துன்பம் உங்கள் வீட்டில் நடந்தால் என கேட்க்கும் எவராவது சில நாட்களுக்கு முன்னால் நோக்கியா வில் நடந்த கொலைக்கு இவர்களின் எதிர் வினை என்ன ,சுட்டு கொல்லப்பட்ட மோகன்ராஜ் இவர்களின் சகோதரனாக இருக்கும் பட்சத்தில் இவர்கள் சந்தொஷபடுவார்களா .மொத்தத்தில் நாம் கற்காலத்துக்கு போய்கொண்டு இருக்கிறோம் , யார் சொன்னது தமிழகத்தில் ப ஜ க விற்கு எதிர்காலம் இல்லை என்று.

Saravanan

இரா.சிவக்குமரன் said...

அதிஷா, இதை இப்படியும் எடுத்துக்கொள்ளலாம். தர்மபுரி பஸ் எரிப்பு சம்பவத்துக்கு பின் பஸ் எரிப்பு சம்பவங்கள் நடக்காமல் இருக்கிறதா என்ன? நீங்கள் இருப்பது பத்திரிகைத் துறையில், உங்களுக்கு தெரிந்திருக்கும்.

ஆனால் அந்த வழக்கு மிகத்தீவிரமாக நடந்து தூக்கு தண்டனை விதிக்கப்பட்ட பிறகு, நடக்கும் பஸ் எரிப்பு சம்பவங்களை நினைத்துப் பாருங்கள். எரிக்க முடிவெடுத்தவர்கள் பேருந்தினுள்ளே இருப்பவர்களை இறக்கி விட்டபின்னே எரிக்கின்றனர்.

அந்த தூக்கு தண்டன, மற்றவர்களுக்கு ஒரு படிப்பினை. அது போலவே இதுவும்.

ஆனால் என்கவுண்டர் பற்றிய உங்கள் கருத்து பதியக்கூடிய ஒன்று.

இரா.சிவக்குமரன் said...

.follow-upக்காக

இனியா said...

Good one Athisha...agree with each and every word...

சிவா said...

அடுத்தவனுக்கு தீர்ப்பு சொல்றது எப்போதுமே ஈசி! நமக்கு வந்தாதான் தெரியும்.... இன்னொருத்தனையும் சேர்த்து போட்டிருக்கணும்!!!

willi said...

//உதாரணத்திற்கு ஒரு குறிப்பிட்ட கட்சி ஊழல் செய்தது என்று தெரிந்தும் அடுத்தடுத்த தேர்தலில் காசு வாங்கிக்கொண்டு அவர்களுக்கே ஓட்டுப்போடுகிற மக்களின் கைகளை வெட்டி விட்டால் எல்லாம் சரியாகிவிடுமா? //.....Super

மோனி said...

மன்னிக்கவும் நண்பா -
முதன் முறையாக உன் கருத்தோடு முரண்படுகிறேன்..

இந்த விஷயத்தில் நீ வெறும் பத்திரிக்கையாளனாக மட்டுமே இருந்து விமர்சனம் செய்திருக்கிறாய்..

முதலில் மனிதம்...
பின்பே சட்டமும்-சமத்துவமும்.

பத்திரிக்கையாளர்களே இந்த விஷயட்தில் இருவேறு கருத்துக்களை கொண்டிருக்கிறார்கள். அவரவர்கள் மனநிலை அவரவர்களுக்கு.

எல்லோரும் அவரவர்கள் செய்யும் தவறுகளுக்கு ஏதோ ஒரு காரணம் வைத்திருக்கிறார்கள்.

ஆனால் - தவறுகள் எப்பொழுதும் தவறுகளே..

நீ சொல்லும் பல விஷயங்கள் யதார்த்தமாக கவனிக்கப்பட வேண்டியவைகளாக இருந்தாலும் - இந்த விஷயத்தில் - எதையும் சிந்திக்காமல் காவல் துறை (யாருடைய உத்தரவின்பேரில் இருந்திருந்தாலும்) செய்தது சரியே..

பிஞ்சுகளை ... வேண்டாம்-
உனக்கு காலம் புரிய வைக்கும்.

மோனி said...

@ குசும்பன் ..

:-)

மோனி said...

@ இரா. சிவக்குமரன்

:-)

மோனி said...

@ ஜோசப் செல்வன்

:-)

மோனி said...

(பிடிப்பட்டவர்களில் இன்னொருவன் இருக்கிறான்.அவனுக்கு மயில் இறகு வெச்சி .....வருடிவிட்டு தினம் தினம் தூங்கவைத்தால் இதுபோல் திரும்ப குற்றம் செய்யமாட்டான் என்று மனநலமருத்துவர் ஒருவர் சொன்னார், அதையும் செய்ய சொல்லிடலாம்)

பாலியல் பலாத்காரம் செய்ய இவன்தான் முதலில் தூண்டியதாக மோகன்ராஜே வாக்குமூலத்தில் சொல்லியிருக்கிறான் - ங்ங்ங்கோத்தா - இவனைதான் முதல்ல போட்டிருக்கணும்....

மோனி said...

saravanan said...

நல்ல பதிவு அதிஷா, இது போல ஒரு துன்பம் உங்கள் வீட்டில் நடந்தால் என கேட்க்கும் எவராவது சில நாட்களுக்கு முன்னால் நோக்கியா வில் நடந்த கொலைக்கு இவர்களின் எதிர் வினை என்ன ,சுட்டு கொல்லப்பட்ட மோகன்ராஜ் இவர்களின் சகோதரனாக இருக்கும் பட்சத்தில் இவர்கள் சந்தொஷபடுவார்களா .மொத்தத்தில் நாம் கற்காலத்துக்கு போய்கொண்டு இருக்கிறோம் , யார் சொன்னது தமிழகத்தில் ப ஜ க விற்கு எதிர்காலம் இல்லை என்று ..//


என்ன கொடுமைய்யா இது ?

Anonymous said...

un blog vilamparathukaga enna venalum ezhuthuvaya? un ponnu kum ithe maathiri nadanthu ne avanai manikanum nu vendikiren..thoo.. ithula avan nallavana irukalame nu oru support vera...loose a ne???

Anonymous said...

அதிஷா .. எல்லோரும் பேசுறாங்க.. அதற்கு எதிராக நாம் ஒரு கருத்து சொன்னால் ஒரு அறிவு ஜீவி முத்திரை நீங்களாகவே உங்களுக்கு குத்திக்கொள்ளலாம் அதிஷா.. அவ்வளவு தான்.. உணர்ச்சிவசப்பட்டு இந்த விஷயத்தை "என்கௌண்டரை" யாரும் ஆதரிக்கவில்லை.. நீங்கள் எழுதியதிலேயே ஒரு பெரிய முரண்தொடை இருக்கிறது.. கவனித்தீர்களா..

//குழந்தைகளை கொன்றது மிகப்பெரிய தவறுதான். மாபாதகம்தான். மோகன்ராஜ் செய்திருப்பது படுபாதகசெயல்தான். அவனுக்கு இரட்டை ஆயுள் தண்டணை கூட கொடுக்கலாம். ஆனால் அதை செய்தவர் யார் என்பதை கண்டறியவும், கண்டறிந்து தீர்ப்பு வழங்கவும் நீதிமன்றம் இருக்கையில் , எந்த விசாரணையுமின்றி இப்படி சுட்டுக்கொல்வது காட்டுமிராண்டித்தனமின்றி வேறேது.//

Anonymous said...

அதிஷா .. எல்லோரும் பேசுறாங்க.. அதற்கு எதிராக நாம் ஒரு கருத்து சொன்னால் ஒரு அறிவு ஜீவி முத்திரை நீங்களாகவே உங்களுக்கு குத்திக்கொள்ளலாம் அதிஷா.. அவ்வளவு தான்.. உணர்ச்சிவசப்பட்டு இந்த விஷயத்தை என்கௌண்டரை யாரும் ஆதரிக்கவில்லை.. நீங்கள் எழுதியதிலேயே ஒரு பெரிய முரண்தொடை இருக்கிறது.. கவனித்தீர்களா.. - "வனிலா"
// குழந்தைகளை கொன்றது மிகப்பெரிய தவறுதான். மாபாதகம்தான். மோகன்ராஜ் செய்திருப்பது படுபாதகசெயல்தான். அவனுக்கு இரட்டை ஆயுள் தண்டணை கூட கொடுக்கலாம். ஆனால் அதை செய்தவர் யார் என்பதை கண்டறியவும், கண்டறிந்து தீர்ப்பு வழங்கவும் நீதிமன்றம் இருக்கையில் , எந்த விசாரணையுமின்றி இப்படி சுட்டுக்கொல்வது காட்டுமிராண்டித்தனமின்றி வேறேது. //

Anonymous said...

நீங்கள் கூறுவதை ஏற்றுக்கொள்கிறோம்.... அதற்கு முன்பு
*அந்த பெண் குழந்தையின் உடலை போஸ்ட் மார்ட்டம் செய்த டாக்டர் ஒருவரிடம் பேசிய போது அவர் கூறியது(முடிந்தால் இதை பதிவேற்றவும்... பிஞ்சு குழந்தையின் பிறப்புறுப்பை பிளேடால் கீறிவிட்டு ஆபாசப்படங்களில் வருவதைப் போல ஒரே நேரத்தில் ஒருவன் பிறப்புறுப்பிலும், மற்றொருவன் பின்புறமும் புணர்ந்துள்ளனர். இதில் அந்த குழந்தையின் எலும்புகள் நொருங்கியுள்ளன..... இதற்கு மேலும் மோகனின் மரணத்தை நீங்கள் எதிர்த்தீர்களானால்....

* அவனுக்கு சட்டப்படி தண்டனை வாங்கிக் கொடுக்க நீதிபதிகள் வாங்கும் லஞ்சத்தை ஒழியுங்கள்.
* குற்றவாளி என்று தெரிந்தே கொடூரன்களுக்கு வாதாடும் வக்கீல்களை திருத்துங்கள்....
* கொலையானவர்களின் மனித உரிமை பற்றிக்கவலைப்படாமல், கொலை செய்த கொடூரன்களின் மனித உரிமைக்காக மட்டும் போராடும் "முற்போக்கு(!)' வாதிகள் தங்கள் நிலைமை மாற்றிக்கொள்ளட்டும்....
* முதல் நாளில் குழந்தைகளை கடத்தி கொலை செய்யப்பட்ட கொடூரன்கள் கைது. அடுத்த நாளில் சென்னையில் கடத்தல்.... கொலை செய்தாலும் கவனிப்பவர்களை கவனித்துவிட்டு வெளியே சுதந்திரமாக உலாவரலாம் என்ற தைரியத்தை முடிவுக்கு கொண்டு வாருங்கள்....
* அட சாமி... மதுரையில் 3 பத்திரிக்கையாளர்களை எரித்துக் கொன்றார்களே... அவர்கள் என்ன அலுவலகத்தை தீயிட்டு தற்கொலையா செய்து கொண்டார்கள்... மனித உரிமை பேசுபவர்கள் அந்த 3 பேரை கொன்ற கயவர்களுக்கு தண்டனை வாங்கித்தாருங்கள்....

* என்கவுன்டர் தவறாக பயன்படுத்தப்படுகிறது என்றால்... இந்த நாட்டில் உள்ள அனைத்துச் சட்டங்களும் எங்காவது ஒரு இடத்தில் தவறாகப் பயன்படுத்தப்படுகிறது... அதனால் சட்டங்களை நீக்கிவிடலாம்....

இதெல்லாம் நடந்த பின்னர் உங்கள் கருத்தை நாங்கள் ஏற்றுக்கொள்ள முயலுகிறோம். தேவைப்பட்டால் என்கவுன்டரை ஆதரிக்கும் என்னை போன்றவர்கள் மனநல மருத்துவரிடம் செல்லவும் தயாராக உள்ளோம்.

ஸ்ரீநாராயணன் said...

Full Support to you,

I am not able to imagine how well educated (who express sound thoughts on other issues) also supporting this encounter...

Cant they imagine the police taking over the power? And the politics behind this killing?

Then why are we having court...

A Simple Man said...

தப்பா எடுத்துக்காதீங்க, வார/மாதப் பத்திரிக்கையாளரா 'ஞானி' மாதிரி எழுத ஆரம்பிச்சிட்டீங்க.. தினசரி/மாலை பத்திரிக்கையாளரா இருந்தா வேற மாதிரி எழுதியிருக்கலாம்.
மொத்தத்தில என்கவுண்டர் நடத்தினது தப்பில்ல. அத பெரிய பரபரப்பான விசயமாக்கினதுதான் இங்க மேட்டரே. இல்லன்னா, இன்னும் கொஞ்ச நாள்ல குற்றவாளிகளுக்கு தூக்குதண்டனை கொடுத்தாங்களா இல்ல மன நல மருத்துவமனையில சேர்த்தாங்களான்னு கேட்க இங்க கொஞ்ச ஆளுங்களுக்குத்தான் நினைவு இருக்கும்.

raashidsite said...

மன்னிக்கணும் அதிஷா !! இதுக்கு முன்னால ஆந்திராவுல ஒரு பெண் மேல ஆசிட் வீசிய ஒருத்தனுக்கு இப்படித்தான் என் கவுண்டர் ஆச்சி. இது ரெகுலரா நடக்குறது இல்ல, ஆனாலும் இல்லாமலும் இருக்கக்கூடாது. சட்டம் நீதிக்கு எல்லாம் பயப்படணும். நம்ம நாட்டு சட்டத்தை பாத்தா நல்லவனும் அயோக்கியனா, குற்றவாளியா மாறிட ஆசைப்படுவான், ஆனா அரபு நாட்டு(சவூதி அரேபிய)சட்டத்தை படிச்சா நின்ன இடத்திலேயே ஒண்... போயிடுவான். இந்த பயம் தான் குற்றம் செய்யணும்னு கற்பனையும் செய்ய முடியாம செய்யுது. உங்கள மாதிரி ரொம்ப மனித நேயம் நம்ம நாட்டில ஒத்து வராது. மிருகதனமா நடந்துகிட்டவன்கிட்ட மனித நேயம் காட்ட கூடாது.

Anonymous said...

Do you think they will realize their mistakes? Never. What happened to him is good.
Sangamithra

சவுக்கு said...

மிகுந்த முதிர்ச்சியான ஆய்வுக் கட்டுரை. மனிதர்களையும், மனித உயிர்களையும் மதித்து, மனித உரிமைக்கு முக்கியத்துவம் அளிக்கும் அக்கறை இப்பதிவில் தெரிகிறது.

வாழ்த்துக்கள்.

சவுக்கு said...

மிகுந்த முதிர்ச்சியான ஆய்வுக் கட்டுரை. மனிதர்களையும், மனித உயிர்களையும் மதித்து, மனித உரிமைக்கு முக்கியத்துவம் அளிக்கும் அக்கறை இப்பதிவில் தெரிகிறது.

வாழ்த்துக்கள்.

Anonymous said...

Sohrabuddin Sheikh fake encounter

கோவி.கண்ணன் said...

கும்பகோணத்தில் 40 குழந்தைகளை மிக மோசமாக பராமரிக்கப்பட்ட பள்ளியில் வைத்து எரிந்து சாம்பலானதற்கு காரணாமானவர்களுக்கு எண்கவுண்டர் யாருக்கும் கேட்கவில்லை அதிஷா !

:(

Anonymous said...

Police encounters are extra-judicial killings i agree it but sometime such killings are needed. We praise Rama The God who killed Ravana the Rakchas and we celebrate diwali for Krishna killed Kamsa. Mohana krishnan was such a demon monster and most disgusting species he has to be killed by Justice but Justice plea him a chance for mercy. he should not use this chance to escape. A murder is not punishment for a murder but But we cannot offer weeds to grow in paddy field. Just pick it out

Anonymous said...

Police encounters are extra-judicial killings i agree it but sometime such killings are needed. We praise Rama The God who killed Ravana the Rakchas and we celebrate diwali for Krishna killed Kamsa. Mohana krishnan was such a demon monster and most disgusting species he has to be killed by Justice but Justice plea him a chance for mercy. he should not use this chance to escape. A murder is not punishment for a murder but But we cannot offer weeds to grow in paddy field. Just pick it out

Anonymous said...

என்கௌன்ட்டர் பண்ணுனாலும் கூடாது என்கிறீர்கள். சரி சட்டப்படி எல்லா ஆதாரமும் இருக்கு. தூக்குல போடணும்னா அப்போவும் வந்து தூக்குல போடக்கூடாது என்கிறீர்கள். கேட்டா தூக்குல போட்டா ? என்கௌன்ட்டர் பண்ணுனா எல்லாம் ஆச்சா ? அவன என்ன பண்ணினீங்க இவன என்ன பண்ணினீங்கன்னு வெட்டியா கேப்பீங்க. ஒரு வெறி நாயை கொல்ல முடியலை என்பதற்காக கையில் கிடைத்த வெறி நாயை விட எல்லாம் முதியாதப்பூ. போலீஸ் சும்மா எல்லாம் என்கௌன்ட்டர் பண்ண மாட்டாங்க. அவங்களுக்கும் மனசு இருக்கு. அவங்களும் மனுஷன் தான். இந்த பரதேசியே வாக்குமூலம் கொடுத்திருக்கான். அப்புறம் என்ன ? போட்டு தள்ள வேண்டியது தான்.

Sundar said...

குற்றத்துக்கு தண்டனை உண்டு என்பது தெரியும் போதே பலர் குற்றம்
புரிகிறார்கள். உடனே தண்டனை இல்லை என்று ஆனால் அவ்வளவுதான்.

மேடேஸ்வரன் said...

குற்றவாளிகள் சுட்டுக் கொல்லப்பட்டது மனதிற்கு ஆறுதல் அளித்தாலும் , இந்த வழக்கிற்கு அதி முக்கியத்துவம் அளித்து விரைவாக விசாரித்து தூக்குத் தண்டனை அளிக்கப்பட்டு அதுவும் இந்நேரம் நிறைவேற்றப்பட்டிருந்தால் அதை இன்னும் வரவேற்கலாம். ஏனென்றால் , 'இந்த சம்பவம் எதிர்பாராமல் நடந்தது' என்று போலீசாரே சமாளிக்கும் அளவுக்குத்தான் நிலை உள்ளது. இன்னும் எத்தனை பேரை இது போல கொல்ல முடியும். தற்போதைக்கு வேண்டுமானால் இத்தகைய குற்றம் செய்வோரின் மத்தியில் ஒரு பயம் நிலவுமே தவிர சிறிது காலத்திற்குப் பின் மீண்டும் இவை போன்ற கொடூரங்கள் தலை தூக்க வாய்ப்புள்ளது. எனவே, சட்டத்தைக் கடுமையாக்கி அரசே இவர்களைத் தார்மீகமாகக் கொன்றால்தான் நிரந்தரமாக இது போன்ற குற்றங்களைக் குறைக்க முடியும். இந்த வாரம் தவறு செய்தால் அடுத்த இரண்டு வாரத்தில் 'தூக்கு' என்றானால் , தவறு செய்ய எவனும் பயப்படுவான். இந்த விஷயத்தில் போலீசாரின் திறமையைப் பாராட்டியே ஆக வேண்டும்

Joyce the lover. said...

your comment may not apply for all situations, especially this incident, and you should be knowing why. You have tried to act smart. Its as simple as that. (No hard feelings pls :D)

சரவணகுமரன் said...

//அதிலும் இதுபோன்ற பெருகி வரும் குற்றங்களை தடுக்க கடுமையான தண்டனைகள் மட்டுமே போதாது , உடனடி தீர்வுகளும் அவசியம்.//

அதிஷா,

மேலே உள்ள வார்த்தைகளை, யார் சொன்னது தெரியுமா?

ஒரு ப்ளாஷ்பேக் -

http://www.athishaonline.com/2009/12/blog-post_23.html

இப்படி ஆனாலும் ஒரு பதிவு, அப்படி ஆனாலும் ஒரு பதிவு.

Gowtham said...

இந்த கொலையில் தவறு உள்ளது நண்பரே யாரு கற்பழித்து கொலை செய்தானோ அவன் ஜெயில் லில் உள்ளான் உடைந்ததை யாக இருந்தவனை சுட்டுவிட்டனர் ,,,,,,,,,,,,போலீஸ் பணம் வாங்கி தப்பு செய்துவிட்டனர் ,,,,,,,ஒரு ஏழை குடும்பத்தில் இப்படி நடந்தால் போலீஸ் இதை செய்துவிடுமா ,,,,,,,,,,,,,ப . கெளதம்

teabench said...

I support you pa.

Anonymous said...

super saravanakumaran... kadaya ilutthu moodittaangalo......

Jayaram said...

நல்ல பதிவு. ஆனால் இரட்டை ஆயுளை தவறு என்று கூறுவது தவறு. தவறு செய்தால் தண்டனை கிடைக்கும் என்று தெரிந்தும் அவன் தவறு செய்கிறான் என்றால் அவனுக்கு இதை தவிர சரியான தீர்ப்பு வேறு இருக்க முடியாது.

There was an error in this gadget