15 June 2011

ஒரு ஊர்ல ஒரு தாதாவாம் - ஆரண்ய காண்டம்



ஒரு ஊர்ல ஒரு தாதாவாம் இன்னொரு தாதா சோதாவாம். அதுல ஒரு ஹீரோவாம் அவனுக்கு ஒரு தாராவாம்.. படம் முழுக்க யுத்தமாம் அதுல வந்தது ரத்தமாம். கிளைமாக்ஸ்ல சண்டையாம்.. உடைஞ்சது வில்லன் மண்டையாம். தமிழில் வெளியான எல்லா கேங்ஸ்டர் திரைப்படங்களுக்குமே இதுதான் அடிப்படை கதை. மாதம் ஒரு படமாவது இதுபோல வெளியாவது சமகாலத்தில் தவிர்க்க முடியாதது. அவ்வகையில் இன்னொன்று ஆரண்யகாண்டம்.

இனி படம் குறித்து...

‘ஆரண்யகாண்டம்’ படம் வெளிவருவதற்கு முன்பிருந்தே இது நல்லபடம் உலகபடம் விருதுபெற்ற படமென செய்திகளும் பேட்டிகளும் தொடர்ந்து வெளியாயின. படமும் வெளியானது. இது ஏதோ நியோ நாயர் வகை படமென்று படத்தின் குழுவினரே சொல்லிக்கொண்டனர். பலரும் ஆகா இதுதான் தமிழ்சினிமாவின் மைல்கல் , வைரக்கல், கோமேதகக்கல் என பாராட்டித்தொலைத்தனர். பத்திரிகைகளும்... பாராட்டின. எல்லோரும் பாராட்டினால் அது நிச்சயம் நல்லதாகத்தானே இருக்கவேண்டும். அப்பாடா அறிவுஜீவிகள் முதல் ஆட்டோக்காரர்கள் வரைக்கும் கொண்டாடும் ஒரு நல்ல தமிழ்சினிமா தமிழில் வெளியாகிவிட்டது போலிருக்கிறதே என்கிற ஆர்வம் மேலிட படத்திற்கு சென்றோம்.

வடசென்னையை பின்புலமாக கொண்டு வெளியான தாதா தமிழ்ப்படங்களின் எண்ணிக்கை மூன்றிலக்க எண்களில் இருக்கலாம். இரண்டு தாதா கோஷ்டி அதில் சில ரவுடிகள் , அதில் ஒருவன் அதாவது கதையின் நாயகன் தனியாக பிரிந்துசெல்வதால் தாதாக்களிடையே ஹீரோவை மையமாக்கி உருவாகும் சிக்கல்கள்... டமால் டுமீல் பட் படார் வெட்டு குத்து கிளைமாக்ஸ். சுபம். இந்த தாதா கும்பல் கதையொன்றும் தமிழுக்கு புதிதில்லை. அண்மையில் வெளியான சுந்தர்சி நடித்த நகரம் மற்றும் தலைநகரம் படங்களின் கதையுங்கூட இதைப்போன்ற பின்னணியிலேயே அமைந்திருக்கும். கொடுமையாக ஆரண்யகாண்டம் படத்திலும் இதே மாதிரியான கதையே! கதையில் எந்த புதுமையும் கிடையாது. சொல்லப்போனால் படத்தில் கதையே கிடையாது. திரைக்கதை மட்டும்தான். திரைக்கதையிலும் புதுமையொன்றும் கிடையாது.

படம் முழுக்க லாஜிக் ஓட்டைகள். அதாவது மற்ற தாதா படங்களில் நாம் காணுகிற அதே மாதிரியான மொக்கை லாஜிக் ஓட்டைகள்! அவை தெரிந்தே பகடிக்காக செய்யப்பட்டிருந்தால் அடடாவென கைத்தட்டி வரவேற்றிருக்கலாம்.. குவான்டின் டாரன்டினோவின் படங்கள் அதைத்தான் செய்ன. ஆனால் இதிலோ அவை திரைக்கதையின் ஒருபகுதி என்பதை உணரும்போது இதுவும் ஒரு சாதாரண படமே , இதில் நியோ நாயரும் இல்லை திவ்யா நாயரும் இல்லை என்கிற முடிவுக்கு வரவேண்டியிருக்கிறது.

படத்தின் முதல் காட்சியிலேயே ஒரு பெண்ணோடு உறவு கொள்ள முயன்று தோற்றுப்போகிறான் வில்லன். உடனே அவளை அடிக்கிறான். ஷகிலா படங்களில் இதுபோன்ற காட்சிகள் ஏராளமாக பார்த்திருக்கிறேன். அதற்கு பிறகு வில்லன் பல்விளக்கிக்கொண்டே கொர கொர குரலில் (வேலு நாயக்கர் போல பேசுகிறார்). தமிழ்சினிமா இதுவரை கண்டிராத புதுமையான காட்சி. பிறகு ஒருகாட்சியில் நல்லவன் ஒருவனை போட்டு அடித்துவிட்டு வெளியே வந்து ஏதோ பாட்டுக்கு ரத்தம் வழியும் சட்டையோடு உற்சாக நடனமாடுகிறான் வில்லன். இதுவும் தமிழ்சினிமா கண்டிராத புதுமையான காட்சியில்லையா?

போலீஸில் மாட்டிக்கொள்ளும் ஹீரோ ஜீப்பில் ரகளை செய்து தப்பிப்பது, அதற்கு பிறகு போலீஸும் அவரை ஒன்றுமே செய்யாமல் விட்டுவிடுவது, மனைவியை கடத்தப்போகிறார்கள் என்பது தெரிந்தவுடன் போலீஸிடமிருந்து தப்பிக்கும் ஹீரோ, போகும் வழியில் ஒரு போன் பண்ணி மனைவியை தப்பிக்க சொல்லக்கூடவா அவனுக்கு சிந்தனையிருக்காது.. இத்தனைக்கும் அதற்கு முந்தைய காட்சியில் அவன் செல்போனில் மனைவியோடுதான் பேசிக்கொண்டிருப்பான்!

இதுதவிர வில்லன்கள் கூட்டம் ஹீரோவை துரத்தும்.. டுப்பாக்கியோடு மாய்ந்து மாய்ந்து சுட்டாலும் ஹீரோ மேல் ஒரு குண்டு கூட பாயாது.. கிளைமாக்ஸில் நூறு பேர் மோதும் ஒரு பெரிய சண்டையில் முக்கிய வில்லனை குறிவைத்து கொன்றுவிடுவார் ஹீரோ.. அதுவும் எப்படி அவர் கையை சுழற்றினால் பத்து பேர் பறந்துபோய் விழுவார்களாம்.. ரத்தம் வேறு கிராபிக்ஸில் பல் இளிக்கிறது! இதற்கு நடுவில் தேவையே இல்லாமல் ஆங்காங்கே திணிக்கப்பட்ட சூப்பர் ஸ்லோ மோஷனும் படுத்துகிறது. இவையெல்லாம் பகடி நக்கல் நையாண்டி என்கிற வகையில் திரைக்கதை அமைக்கப்பட்டிருந்தால் வாவ் என்று சொல்லியிருக்கலாம்!

முதல் பகுதியில் பொறுமையாக நீளும் திரைக்கதை.. இடைவேளைக்கு பிறகு வேகம் பிடித்தாலும்.. முடிவை நோக்கி நீண்டுகொண்டே போவது சலிப்பை உண்டாக்கி விடுகிறது.
மணிரத்னமே கைவிட்டுவிட்ட இருட்டில் படமெடுக்கும் புராதன யுக்தியை இயக்குனர் கையாண்டிருக்கிறார். ஒருவேளை பிளாக் காமெடி வகை படமென்பதால் இருட்டிலேயே படமெடுத்திருக்க கூடும் என நினைக்கிறேன். அதற்காக இப்படியா? அதற்காக ஒட்டுமொத்தமாக ஒளிப்பதிவை நிரகாரிக்கவும் இயலவில்லை. சில இடங்களில் கேமரா நன்றாகவே இருக்கிறது.

இசை யுவன்ஷங்கர் ராஜாவென்பது படத்தின் பெரிய பலம். பல இடங்களில் பலமுறை கேட்ட ஹாலிவுட் படங்களின் பிண்ணனி இசை சாயலை கேட்க முடிந்தாலும், குட்டிப்பையன் ஒருவன் கையில் போதைப்பொருளை எடுத்துக்கொண்டு ஓடுவான்.. அதை மறைத்துவைக்க.. அருமையாக படம்பிடிக்கப்பட்ட காட்சி மற்றும் பின்னணி இசை. நெகிழ்ச்சியாக உணர்ந்தேன். ஏனோ படத்தில் வருகிற சிறுவன் மற்றும் அவனுடைய அப்பா தொடர்பான காட்சிகள் எனக்கு மிகவும் பிடித்திருந்தன. ‘’பைசைக்கிள்தீவ்ஸ்’’ படத்தின் காட்சிகளை நினைவூட்டினாலும் மிகமிக பிடித்திருந்தது!

படத்தில் பாராட்டப்படவேண்டிய அம்சங்களில் ஒன்று அவ்வப்போது கேமரா, எப்போதும் இசை, அருமையான நடிகர் தேர்வு. ஒவ்வொரு பாத்திரத்திற்கும் ஏற்ற நடிகர்களை தேர்வு செய்தது, அதற்கு உதாரணம் சப்பையாக வருகிற ரவிகிருஷ்ணா. ஜாக்கி ஷெராப் பாத்திரத்தின் பாத்திரம் விளக்கப்படவில்லையென்றாலும் அவருடைய நடிப்பு கச்சிதம் (வேலுநாயக்கரை நினைவூட்டினாலும்)

இவைதவிர இயக்குனரின் முயற்சி பாராட்டுதலுக்குரியது. ஏற்கனவே முதல் அடி சறுக்கலாக இருந்தாலும் முயற்சி முக்கியமானது. அதற்காகவேனும் பாராட்டலாம். குவான்டின் டாரன்டினோவின் பல்ப் ஃபிக்சன் படத்தினை நூறுமுறையாவது பார்த்திருப்பேன்.. அப்படியொரு படம் தமிழில் வராதா என்கிற ஏக்கம் எப்போதுமிருந்தாலும்.. இது அம்மாதிரியான ஜஸ்ட் பாஸ் முயற்சி என்பதே மகிழ்ச்சிதான்.

நாலைந்து கெட்டவார்த்தைகள், முகத்திலடிக்கும் நிறைய ரத்தம், ஆர்ப்பாட்டமில்லாத வன்முறை, புத்திசாலித்தனமான வசனங்கள் மட்டுமே போதும் என இயக்குனர் நினைத்திருக்கலாம். அதற்கும் மேல் ஒரு முழுமையான திரைப்பட அனுபவத்தில் ஏதோ மிஸ்ஸிங்.

சென்னையில் ஆங்கில நாடகங்கள் அடிக்கடி அரங்கேற்றப்படும். கதை சென்னையின் பின்புலத்தில் அமைந்திருந்தால் சொல்லவே வேண்டாம் நம் பீட்டர்வாழ்தமிழர்கள் சேரிகளை பற்றிய காட்சிகளில் மிகுந்த உற்சாகத்தோடு கலாய்க்கும் வேலையை செவ்வனே செய்வதை பார்த்திருக்கிறேன். அது எனக்கு எப்போதுமே எரிச்சலையே உண்டுபண்ணும். சேரிகளின் மீதான பீட்டர்களின் பார்வை எப்போதுமே ஒரே மாதிரியாகவே மேலோட்டமாகவே இருந்துதொலைக்கும். இப்படமும் அதே வேலையை செய்வதாக உணர்ந்தேன்.

கெட்ட வார்த்தைகள் நிறையவருவதாலும், படத்தின் நிர்வாணத்தன்மையினாலும் பலரையும் குறிப்பாக ஆண்களை கவரலாம்... கெட்டவார்த்தைகளும் நிர்வாணத்தன்மையும்தான் ஒரு படத்தை சிறந்ததாக மாற்றுகிறது என நான் நினைக்கவில்லை. இப்படம் எனக்கு பிடிக்கவில்லை.

31 comments:

Anonymous said...

படத்தில் ‘கதை’ என்கிற வஸ்து இல்லாததாலேயோ என்னவோ, தலைப்பிலேயே முழு கதையையும் சொல்லியிருக்கிறார் இயக்குனர். ‘நாடு ஒரு காடு, மனிதர்கள் விலங்குகள்’ – இதுதான் ஒரு வரி கதை. இழப்பதற்கு எதுவுமில்லை என்கிற நிலையில் இருப்பவன், எதை வேண்டுமானாலும் பெற முடியும் என்கிற எளிய சூத்திரம் இறுதியில் வலியுறுத்தப்படுகிறது.

Anonymous said...

இசை, ஒளிப்பதிவு, எடிட்டிங் என்று சகலமும் சரியாக அமைந்திருக்கிறது. குறிப்பாக இசை. நாயகியின் அறிமுக காட்சியிலும், நாயகன் ‘ஐ லவ் யூ’ சொல்லும் காட்சிகளிலும் இதுவரை நாம் கேட்ட இசையை, ரத்தம் தெறிக்கும் வன்முறை காட்சிகளுக்கு அள்ளித் தெளித்திருக்கிறார் யுவன்ஷங்கர் ராஜா. படத்தின் முக்கியக் காட்சியான சேஸிங் காட்சியின் பின்னணியில் ஒலிக்கும் ஒற்றை புல்லாங்குழல் க்ளாசிக்.

Bosco said...

The only minus point if any, or in fact the movie's biggest plus point is that it is made keeping in mind experimental and true cinema lovers. Entertainment cinema lovers might find the proceeding a little slow at few instances. But at the end of the day, hope every cinema lover embrace such movies so that more filmmakers come forward to experiment with such products.

சிவபார்கவி said...

hey...what u think in your mind..Howmany good shot in the picture, that's new to tamil...
why to hesistate this movie... always wish the beginners who take the movie like this...

சிவபார்கவி said...

What you think in your mind..Are you a world film nokkar...? What a wonderful shots and themes behind the movie along with old songs suitable to such situation.. You should always wish the beginners for their good try for tamil..

கார்க்கி said...

அப்ப‌டி சொல்லிடாத‌ ம‌ச்சி.. அப்புற‌ம் உன்னையும் விஜ‌ய் ஃபேன்னு சொல்லிடுவாங்க‌.. :)

Anonymous said...

Rightly said.. Some scenes are fresh & some are very typical. Can not sort into either of the baskets. Surely not upto ulagatharam vointhe cinemas!!

குழந்தபையன் said...

//ஜஸ்ட் பாஸ் முயற்சி என்பதே மகிழ்ச்சிதான். //
அறிமுக இயக்குனர் உங்களிடம் ஜஸ்ட் பாஸ் செய்ததே இப்படத்தின் வெற்றியாக நினைக்கிறன்..உங்களை போல உலக சினிமாக்கள் பல பார்த்திடாத கோடி பேர் நம்ம ஊரில் உள்ளனர்..அவர்களுக்கு உலகம் படம் இப்படி தான் இருக்கும் என்பதை ஒரு முன்னோட்டமாக காட்டியுள்ளது இந்த படம். மற்றபடி மசாலா படத்தை முதல் படமாக தராமல்..புது முயற்சியை எடுத்தமைக்காக இயக்குனருக்கு வாழ்துக்கள் தரலாமே...
இந்த குழந்தையின் தாழ்மையான கருத்து

கருணாகார்த்திகேயன் said...

நல்ல விமர்சனம் .. முடிவு முத்தாயiபு

Rajan said...

40 ரூபா மிச்சம். நன்றி

Anonymous said...

நல்ல விமர்சனம். Analysed objectively, don't know why there are many reviews on the net that praise the movie.
amas32

jeyaganesh rajamanickam said...

அருமையான விமர்ச்சனம்.

Somu said...

படத்தில் சித்தரிக்கப்பட்டிருக்கும் வன்முறையாளர்கள் கொஞ்சம் மிகைப்படுத்தி காட்டப்பட்டிருக்கிறார்கள் என்றாலும், வசனங்கள் மூலமாக அக்குறையை போக்க இயக்குனர் முற்பட்டிருக்கிறார்.

கிரி said...

படத்திற்கு மிகப் பெரிய பலம் யுவனின் பின்னணியிசையும், வினோத்தின்
ஒளிப்பதிவும். இரண்டு பேரும் இயக்குனருக்கு இரு கண்களாய் அமைந்திருக்கிறார்கள். படத்தின் டைட்டில் காட்சியிலிருந்து பெரும்பாலான காட்சிகள் அமைதியாகவேயிருக்க, அதை மீறி பின்னணியிசை வரும் காட்சிகளில் எல்லாம் இதுநாள் வரை அம்மாதிரி காட்சிகளுக்கு கேட்டு பழக்கமான இசையில்லாமல், வருடும், வயலின் கிடார், போன்ற ஸ்டிரிங் இன்ஸ்ட்ரூமெண்டுகளை வைத்து கலக்கியிருக்கிறார் யுவன். வினோத்தின் ஒளிப்பதிவு கதைக்கு தேவையான அத்துனை இம்பாக்டையும் ஒரு சேர கொடுத்திருக்கிறார்.

ரவிவர்மன் said...

இந்தப் படத்தில் ஓரளவிற்கு நன்றாகவே டீடெயிலிங் செய்திருக்கிறார் இயக்குனர். ஆனால் வசனம் சென்னையை பிரதிபலிக்கவில்லை.

உங்களுடன் said...

அதிஷா நீ சொல்லுகிற அத்தனை குறைகளும் படத்தில் இருக்கிறது. ஆனால், தன் காம இச்சைக்காக சமயம் பார்த்து பெண்களை பயன்படுத்திக் கொள்கிற ஆண்களின் வக்கிரத்தை சுப்பு காதாப்பாத்திரம் சரியாக கையாண்டுள்ளதாகவே உணர்கிறேன். அதேபோன்று அந்த சின்ன பையன் கடைசியாக சொல்லும் போது ,,,, அப்படியல்ல அவரு எங்கப்பா..... என்று சொல்லிவிட்டு செல்வான். இந்த இரண்டு விஷயங்களுக்காகவே படத்தை பார்க்கலாம்.

maruthan said...

/ஷகிலா படங்களில் இதுபோன்ற காட்சிகள் ஏராளமாக பார்த்திருக்கிறேன்/

Neengal shakeela padathayae thodarnthu paarungal

CrazyBugger said...

அப்ப‌டி சொல்லிடாத‌ ம‌ச்சி.. அப்புற‌ம் உன்னையும் விஜ‌ய் ஃபேன்னு சொல்லிடுவாங்க‌.. :)

/// Vijay Fan = KARKI

vaitheetheboss said...

நான் இன்னும் படத்தை பார்க்கவில்லை..எல்லாம் பாதுகாப்பு உணர்வு காரணமாக தான்..ஆனால் நிச்சயம் பார்க்க வேண்டும்..ஏன் என்றால் இப்படி தான் அழகர் சாமியின் குதிரையை கொண்டாடினார்கள்..அந்த படம் என்னை சொல்லிக்கொள்ளும் அளவில் கவர வில்லை.மொக்கை என்று கூட சொல்வேன்..இந்த படத்தை நிச்சயம் பார்த்துவிட்டு பதிவு போடுவேன்.

vaithee.co.cc

"உழவன்" "Uzhavan" said...

ம்ம்.. என்ன காண்டமோ.. மொக்கைதானா!!

Rama Lekshman said...

நிர்வாணதன்மை பெண்களுக்கு பிடிக்க கூடாது அது ஆண்களுக்கு மட்டும்தான் பிடிக்கவேண்டும் என்று நினைகிறாயா? இப்படி நினைப்பதும் ஒரு விதத்தில் ஆணாதிக்கம்தான். "ஒரு ஊருல ஒரு குதிரை மச்சி, அது காணாம போயிடுசிச்சா....அப்பால அத கண்டு பிடிச்சி கூடிகிட்டு ஊருக்கு போறான். அவ்வுளவுதான் மச்சி கதையே இல்ல படத்தில" என்று அழகர்சாமியின் குதிரையை பற்றி எழுதி விட்டு போகலாம்.

காட்டுப்புலி said...

விமர்சனம் நல்லாருக்கு!!!

Kk said...

boss..seems like you forcibly intended to differentiate yourself from others. For any people with good taste, this movie is an excellent treat. Its a violent POETRY if you watch it with neutral point of view

Vanavil said...

<>

You must be kidding... Can't you differentiate the making of this scene vis-a-vis Shakeela movies? And comparing this with Nagaram by Sundar C - Nagaram is a complete rip-off from Kaminey and so many Hindi Movies - reminds me of a dialogue from this movie "Nee unmailye muttala illa muttal mathiri nadikirya". Are you trying to prove your intellectual streak by giving a negative review for a film which everyone else raves about? Better luck next time dude.. get a life..

Anonymous said...

அழகர்சாமி சூப்பர் படம்...ஆரண்ய காண்டம் மொக்கை படம் என்கிற உங்கள் மூளையை உப்பு தாள் போட்டு தேய்த்து உரலில் போட்டு இடிக்க வேண்டும்.

SIV said...

//கெட்டவார்த்தைகளும் நிர்வாணத்தன்மையும்தான் ஒரு படத்தை சிறந்ததாக மாற்றுகிறது என நான் நினைக்கவில்லை.//

LIKE

கொக்கரகோ... said...

//கதையில் எந்த புதுமையும் கிடையாது. சொல்லப்போனால் படத்தில் கதையே கிடையாது.//

இது அதிஷா டச். இந்த இடத்தில் படிப்பவர்களி களுக் என சிரிக்க வைக்கும் பொழுதே, படத்தைப் பற்றிய உங்கள் எதிர்பார்ப்பின் ஏமாற்றம் புரிந்துவிட்டது. நல்ல விமர்சனம். வாழ்த்துக்கள்.

Anonymous said...

i have never seen you telling a movie is good. Please make sure when you write a review there are millions reading it and of course any movie will have good and bad things. first portray the good things first and then the bad things. Aaranya Kaandam was a good movie and a novel attempt. Dont think you always write correct.You may argue what i write are my views and i have what way i need to write. But keep one thing in mind.. any critic will always point out good things and then tell the bad ones. expecting a similar kind of approach for your next review

bandhu said...

//போலீஸில் மாட்டிக்கொள்ளும் ஹீரோ ஜீப்பில் ரகளை செய்து தப்பிப்பது, அதற்கு பிறகு போலீஸும் அவரை ஒன்றுமே செய்யாமல் விட்டுவிடுவது,//
ஒரு சில்லறை கேசிர்க்காக போலீஸ் அவரை 'வலை வீசி' தேடாது.. சரிதானே?

// மனைவியை கடத்தப்போகிறார்கள் என்பது தெரிந்தவுடன் போலீஸிடமிருந்து தப்பிக்கும் ஹீரோ, போகும் வழியில் ஒரு போன் பண்ணி மனைவியை தப்பிக்க சொல்லக்கூடவா அவனுக்கு சிந்தனையிருக்காது.. இத்தனைக்கும் அதற்கு முந்தைய காட்சியில் அவன் செல்போனில் மனைவியோடுதான் பேசிக்கொண்டிருப்பான்!//
அதற்குள் அவரை கடத்தியிருக்கலாம். இல்லையேல் செல்போன் பிஸியாக இருந்திருக்கலாம்.

படத்தின் ஸ்லிக் டைரெக்ஷன் நன்றாக இருந்தது. கண்டிப்பாக ஒரு நல்ல படம் என்பதில் எனக்கு சந்தேகமில்லை

Sadamk said...

ஆரண்ய காண்டம் ... தமிழ் சினிமாவின் புதிய படைப்பு...யாராலும் புரிந்து கொள்ள முடியாத புரியாத புதிர்...இப்படத்தை புரிந்து கொள்ள 2 முறையாவது பாருங்கள்... ஆரண்ய காண்டம் மாதிரி ஒரு கதை இதுவரை சொல்ல படாத காவியம்... இந்த படத்தை பற்றி தவறாக கருத்து சொல்பவர்களை வன்மையாக கண்டிக்கிறேன்..... மீண்டும் ஒரு முறை பாருங்கள் நிச்சயமாக உங்களுக்கு பிடிக்கும்

Sadamk said...

ஆரண்ய காண்டம் ... தமிழ் சினிமாவின் புதிய படைப்பு...யாராலும் புரிந்து கொள்ள முடியாத புரியாத புதிர்...இப்படத்தை புரிந்து கொள்ள 2 முறையாவது பாருங்கள்... ஆரண்ய காண்டம் மாதிரி ஒரு கதை இதுவரை சொல்ல படாத காவியம்... இந்த படத்தை பற்றி தவறாக கருத்து சொல்பவர்களை வன்மையாக கண்டிக்கிறேன்..... மீண்டும் ஒரு முறை பாருங்கள் நிச்சயமாக உங்களுக்கு பிடிக்கும்

There was an error in this gadget