29 November 2008

வந்துட்டானுங்க ஆட்டிட்டு.......... தூ.....!

நான் கோவையிலிருந்து சென்னை வந்த பிறகு இரண்டாம் முறையாக என்னை பிரமிக்கவைத்த மழை. கடந்த நான்கு நாட்களாக சென்னையின் முக்கால் வாசி மக்கள் தொகையை ஹவுஸ் அரெஸ்ட் செய்துவிட்ட மழை . ரோடெங்கும் வெள்ளம் முழங்காலுக்கும் மேலே. இன்னும் சில இடங்களில் கழுத்து வரைகூட வெள்ளம் சென்றதாக கேள்வி. அம்பத்தூரிலிருந்து அண்ணாநகர் ரவுண்டானா வரை படகு சவாரி செய்ய வல்ல நீர் வரத்து. எங்கும் மின்சாரம் இல்லை . அத்யாவசிய பொருட்கள் தட்டுப்பாடு. இன்னும் பல.

மருந்துப்பொருட்கள் கிடைக்கவில்லை , மளிகைக்கடைகள் திறக்கவில்லை , பால் போன்ற அத்தியாவசிய பொருட்கள் கிடைக்கவில்லை , டாஸ்மாக்கில் பீரும் ஜின்னும் ஆறாய் ஓடியது , பீர் லேகர்தான் கிடைத்தது . அனைத்து டாஸ்மாக்குகளும் கொட்டும் மழையிலும் இயங்கின . தமிழக அரசு வாழ்க . திமுக வாழ்க . தமிழகத்தில் எதற்கு தட்டுப்பாடு வந்தாலும் எம்குடிமகனின் தாகத்தை என்றும் தீர்க்கும் குடிமகன்கள் குடிகாத்த கோமகர் கலைஞர் வாழ்க வாழ்க .

நேற்று கொட்டும் மழையிலும் டீ்ககடை திறந்து வைத்திருந்த ஒரு புண்ணியவானுக்கு நன்றி சொல்லியாக வேண்டும். மூன்று வேளை சோறு போட்ட தெய்வமல்லவா . முகப்பேர் போன்ற ஒரு ஊரில் அல்லது ஏரியில் வசிப்பதின் அருமை அங்கே குடியேறிய ஒரு வாரத்தில் முகத்தில் அறைந்ததது. ஏரியில் வீடு கட்ட அனுமதித்தவர்கள் வாழ்க . அங்கே குடியேறிய குடியேறும் நல்லவர்கள் வாழ்க.

ரோட்டில் குப்பை போடாத சென்னை குடிமகன்கள்(தமிழ் குடிமகன்கள் ) நம்மில் எத்துணை பேர் . பிளாஸ்டிக் பைகளை அப்படியே குப்பையில் கொட்டுவது , குப்பைத்தொட்டி இருந்தாலும் சாக்கடையில் திணிப்பது , இதைத்தானே நமது கலாச்சாரமாய் ஆண்டாண்டு காலமாய் நாமும் நம் பிள்ளைகளுக்கு கற்றுத்தந்து வந்திருக்கிறோம் . நமது சாக்கடைகளையே நம்மால் சரியாக காக்க இயலாத போது ...? . பொது மக்கள் வாழ்க , ஏரியில் நிலம் கிடைத்தால் வாங்கிப்போட்டு குடியேறும் பொது ஜனம் வாழ்க வாழ்க .

ஒரு வெள்ளக்காடான ஒரு பகுதியில் ஒரு திராவிட உடன்பிறப்பு படை , அனைவருக்கும் பிரியாணி வழங்கியது . அதில் ஒரு பெரியம்மா தூ என்று துப்பி , வெள்ளத்த தடுக்க துப்பில்ல வந்துட்டானுக ஆட்டிட்டு என்று . நம் மக்களுக்கு ஒரு பிரச்சனை வந்து விட்டால் துப்புவதற்கு அரசியல்வாதிதான் முதலில் கிடைப்பான் . அரசியல்வாதியும் லேசுப்பட்டவன் அல்ல செய்வதெல்லாம் செய்து விட்டு(ஐ மீன் ஊழல்) வெள்ளம் புயல் என்றால் பிரியாணி பொட்டலத்துடன் வந்துவிடுவான் .

ஸ்டாலின்களும் பன்னீர் செல்வங்களும் இனி வெள்ளப்பகுதிகளில் முட்டிவரை ரப்பர் ஷூக்களை போட்டுக்கொண்டு பார்வையிட்டு வேட்டிசேலைகள் வழங்கலாம் . பாப்புலாரிட்டி பிரியாணி வாழ்க , கிழிந்து தொங்கும் வேட்டிசேலைகள் வாழ்க , கட்சியிடம் வாங்கிய நிவாரண நிதியில் பாதியை குடித்தழிக்கும் உடன்பிறப்புகளும் ரத்தத்தின் ரத்தங்களும் வாழ்க வாழ்க . (மூன்று நாட்களாக டாஸ்மாக்குகளில் நல்ல வருமானமாம் ஒரு டாஸ்மாக் நண்பரின் தகவல் ) . இவர்கள் பார்வையிடுவதால் ஒன்றும் ஆகி விடப்போவதில்லை . மடிபாக்கத்திற்கு ஸ்டாலின் வந்தால் அவரால் முழுமடிப்பாக்கத்தையும் பார்வையிட்டு அங்குள்ள (வெள்ளத்தால் வந்த ) பிரச்சனைகளை தீர்க்க இயலுமா ! , அப்படி முழுமடிப்பாக்கத்தையும் அவர் சுற்றிபார்க்க வருகிறார் என்றால் மற்ற பகுதிகளை யார் கவனிப்பது .

இனி நமது ஆளும் அரசு உடனடியாக பல நூறு கோடிகளை நிவாரண நிதியாக கேட்டுப்பெரும் . அப்பணத்திற்கு கணக்கு ஏற்கனவே காந்தி எழுதிச்சென்றுவிட்டாராமே . வாழ்க காந்தி , வாழ்க காந்திக்கணக்கு . அப்பணமும் மீண்டும் டாஸ்மாக்குகளின் மூலம் அரசையே சென்றடைவதையும் இனி காணலாம் .

இனியாவது அரசு விழித்துக்கொண்டு பாலங்கள் கட்டி அதில் தன் பெயரை பொறித்துக்கொள்ளும் உத்திகளை தவிர்த்து , தங்கள் பெயர்களை பொன்னெழுத்தில் பொறிக்க இயலாத , சரியான நீர்வடிகால்களையும் , ஏற்கனவே இருக்கிற நீர்நிலைகளை தூர்வாருவது போன்ற வேலைகளையும் , பாலங்கள் கட்டினாலும் அதிலிருந்து மழைக்காலங்களில் அங்கே தேங்கி நிற்கும் நீர் சரியான வழியில் வெளியேறுமாறு திட்டமிடலும் தான் இப்போது தேவை . உங்கள் பிரியாணி பொட்டலங்களும் வேட்டிசேலைகளும் அல்ல , அதைக்காட்டி இன்னும் எத்தனை ஆண்டுகளுக்குத்தான் தமிழனை பைத்தியக்காரனாய் இருப்பானோ தெரியவில்லை .

பொதுமக்களும் எல்லாவற்றையும் அரசே முன்னின்று தனது பிரச்சனைகளை தீர்க்க வேண்டும் என்றில்லாமல் , தாமாக முன்வந்து இது போன்ற பிரச்சனைகளை தீர்க்க முயல வேண்டும் . எந்த ஒரு அரசும் மக்களின் சரியான உதவியின்றி நல்லாட்சி அமைக்க இயலாது . நேற்று முகப்பேரில் ஊருக்குள் தண்ணீர் புகுந்து விட்டது, சாக்கடை அடைப்பு , அதை சரி செய்து தர வேண்டும் என்று ஐம்பதுக்கும் மேற்பட்டோர் சாலை மறியலில் ஈடுபட்டனர் . அந்த ஐம்பது பேர் நினைத்திருந்தால் அவர்களாகவே அப்பிரச்சனையை சரிசெய்திருக்க இயலும் , ஆனால் எல்லாவற்றிக்கும் அரசும் அரசுசார் துறைகளும் வரவேண்டுமென்றால் அது எத்தனை மூடத்தனம் . இன்று ஆங்காங்கே மழைநீர் சாக்கடைகளில் அடைத்துக்கொண்டு ரோட்டிற்குள் வர என்ன காரணம் , நாம் நேற்றுவரை குப்பையோடு குப்பையாக போட்ட மக்காத குப்பைகளின் மறுவடிவமல்லவா இது . இனியாவது விழித்துக்கொண்டு நாமும் மாறவேண்டும் . ஒவ்வொருவரும் .

************************************************************************************************

மூன்று நாட்களாக மழையால் வீட்டிற்குள்ளேயே முடங்கி இருக்க வேண்டியிருந்தது , அதுவும் தனியாக , புதிதாக குடியேறிய வீடென்பதால் பக்கத்து வீடுகளிலும் யாரும் முகம் கொடுத்து பேசுவதில்லை (பேச்சிலர் பேய்! ) . 60 மணிநேரத்தில் தோழர் லக்கியும் நண்பர் கென்னும் மட்டும்தான் எனக்கு சமயங்களில் அலைப்பேசி மூலம் துணையாக இருந்தனர் . அவர்களுக்கு மிக்க நன்றி .

இங்கே முன்னால் எழுதிய சில விடயங்கள் சுயபச்சாதாபத்தை உண்டாக்குவதாக சில நண்பர்கள் கூறுவதால் அவை நீக்கப்படுகின்றன . நன்றி .

************************************************************************************************

50 comments:

cable sankar said...

//பலரில் ஒருவர் கூட என் நிலைகுறித்தோ விசாரிக்காதது , கடுப்பாகத்தான் இருக்கிறது . அவரவர்க்கு அவரவர் பிரச்சனை . நட்பின் எல்லை 60 மணித்துளிகளில் தெரிந்தது . துன்பங்களில்தான் பலரது உண்மையான முகங்கள் தெரியுமோ!//

நீங்களே ஏன் சுய பச்சாதாபத்தை வரவழைத்து கொள்கிறீர்கள். அதிஷா. நீங்களே அவரவர்களுக்கு என்ன பிரச்சனையோ என்றும் சொல்கிறீர்கள்.. தயவு செய்து உங்கள் சுய பச்சாதாபத்தை விட்டு ஓழியுங்கள். இதை உங்களுக்கு போன் பண்ணாத நண்பனாய் சொல்கிறேன்.

லக்கிலுக் said...

//நாம் அநாதையாகிவிட்டோமோ என்கிற தாழ்வு மனப்பான்மை வராது தடுத்த லக்கிலுக்குவிற்கும் ,நண்பர் கென்னிற்கும் என் நன்றிகள் . //

யோவ்! ரெண்டு நாளைக்கு முன்னாடி சூசைட் அட்டெம்ப்ட் பண்ணேனே? என்ன ஏதுன்னு விசாரிச்சியா?

நன்றி சொல்ல வந்துட்டே ஆட்டிட்டு... தூ....!

பாபு said...

இதுக்கு முன்னால தனியா இருந்ததில்லயோ??

இராம்/Raam said...

:))

அதிஷா said...

\\
நீங்களே ஏன் சுய பச்சாதாபத்தை வரவழைத்து கொள்கிறீர்கள். அதிஷா. நீங்களே அவரவர்களுக்கு என்ன பிரச்சனையோ என்றும் சொல்கிறீர்கள்.. தயவு செய்து உங்கள் சுய பச்சாதாபத்தை விட்டு ஓழியுங்கள். இதை உங்களுக்கு போன் பண்ணாத நண்பனாய் சொல்கிறேன்.
\\

இது உங்கள் பார்வையில் சுயபச்சாதாபமாக தெரிந்தால் மன்னிக்கவும் , சங்கர் சார் , இது அது அல்ல . இது நண்பர்களின் மீதான் என் கோபம் அவ்வளவே . நான் கவலையாக இருக்கிறது என்று கூறவில்லை . கடுப்பாகத்தான் இருக்கிறது என்று சொல்லும் போதே இது கோபம் என்று புரியவில்லையா?

அதிஷா said...

\\
யோவ்! ரெண்டு நாளைக்கு முன்னாடி சூசைட் அட்டெம்ப்ட் பண்ணேனே? என்ன ஏதுன்னு விசாரிச்சியா?

நன்றி சொல்ல வந்துட்டே ஆட்டிட்டு... தூ....!

November 29, 2008 1:54 PM
\\

தோழர் உங்களுக்காக சென்ற வாரமே நான் ஒரு பதிவு எழுதியிருக்கிறேன் கட்டாயம் படிக்கவும்..

தற்கொலைகளும் தற்பெருமைகளும் என்று...

ஆலகால விசத்தை குடித்தாலும் உங்களுக்கு ஒன்றும் ஆகாது.. சாதாரண ஆலா என்ன செய்து விடும்

கிகிகிகி

cable sankar said...

சரி ஓகே ஆணிய புடுங்க வேணாம்..

நான் ஆதவன் said...

சென்னைல கரண்ட் இல்லாததனால் அவனவன் செல்லுக்கு சார்ஜ் கூட பண்ணமுடியாம சுவிட்ச் ஆப் செய்துட்டு கிடக்குறான்களாம்....

அதிஷா said...

வாங்க பாபு...

நீங்க பேச்சிலரா...?

மூன்று வேளையும் பிஸ்கட்டுகள் மட்டும் தின்று மின்சாரம் இல்லாமல் .. பேச்சுதுணைக்கு கூட ஆள் இல்லாமல் .... 60 மணிநேரம் நான் தனிமையில் இருந்ததில்லை.. ஒரு வேளை சிறையில் அப்படி இருக்கலாம் வருங்காலத்தில் சென்றால்...

அதிஷா said...

கேபிள் அண்ணாச்சி நன்றி

அதிஷா said...

வாங்க இராம்.. நன்றி

;-)

நகைப்புக்கு

அதிஷா said...

\\ சென்னைல கரண்ட் இல்லாததனால் அவனவன் செல்லுக்கு சார்ஜ் கூட பண்ணமுடியாம சுவிட்ச் ஆப் செய்துட்டு கிடக்குறான்களாம்.... \\

நன்றி ஆதவன்.தகவலுக்கு....

கென்., said...

இதெல்லாம் என்ன நண்பா :)

மழை நேர விளம்பரமா?

சற்று முன் வந்த தகவல்

வெள்ளத்தில் அடித்து செல்லப்பட்டாரா அதிஷா , லக்கிலுக் கதறல் :)

அதிஷா said...

வாங்க கென்

எல்லாம் ஒரு விளம்பரம்தான்...

இராகவன், நைஜிரியா said...

அன்புள்ள அதிஷா

உங்களுடைய தொ(ல்)லைபேசி நம்பரை என்னுடைய இ-மெயிலுக்கு அனுப்பவும். இங்கிருந்து வாராவாரம் பேசுகின்றேன். கவலைப்படவேண்டாம். என்னுடைய email : cbsr5@yahoo.com / cbsr5@sify.com.
நாங்க எல்லாம் இருக்கோமில்ல.. அப்படி கடுப்பாக விட்டுருவோமா என்ன..
இராகவன், நைஜிரியா

ஊர் சுற்றி said...

அதிஷா அண்ணே,
எல்லார் நிலைமையும் அதேதான்.
என்னால வீட்டுக்கு ஒரே ஒரு SMS மட்டும்தான் அனுப்ப முடிஞ்சது-கைபேசி அணைந்து விட்டது.

இப்பொழுதுதான் நிலவரம் நன்றாக மாறிக்கொண்டிருக்கிறது.... !

அதிஷா said...

வாங்க நைஜீரியா ராகவன்...

வெகுநாட்களாக காணவில்லையே..

சௌக்கியமா

அதிஷா said...

வாங்க ஊர்சுற்றி... உங்களால் உணர முடியும் என்று எண்ணுகிறேன்.. என் மன வருத்தத்தை.

முரளிகண்ணன் said...

அதிஷா, கூல்

முரளிகண்ணன் said...

அதிஷா, கூல்

தாமிரா said...

யோவ்.. என்ன அநியாயமா இருக்குது.. ரெண்டு நாள் தனியா ஒக்காந்திருந்ததுக்கு இந்த பீலிங்ஸ்ஸா, தகவல் சொல்லிருந்தாதானே தெரியும்? துக்கம் விசாரிச்சிருப்போம்ல..

மஞ்சூர் ராசா said...

அன்பு நண்பரே உங்களுக்காவது கென்னும், லக்கி லுக்கும் ஆறுதல் சொன்னார்கள். அது கூட இல்லாமல் எத்தனையோ பேர் கஸ்டப்பட்டுக்கொண்டிருக்கிறார்கள் தெரியுமா?

60 மணி நேரம் பிஸ்கட் இதெல்லாம் மிக சிறிய பிரச்சினைகள் தான். கென்னை கேட்டால் தெரியும்.

மும்பை தீவிரவாதத்தால் அடைப்பட்டு கிடந்தவர்களின் நிலையை எண்ணிப்பாருங்கள். உங்கள் நிலைமை தூசி போல தெரியும்.

இராகவன், நைஜிரியா said...

நலமாக இருக்கின்றேன் நண்பர் அதிஷா. தங்களின் பதிவுகள் என்னுடைய இ-மெயிலில் வந்துவிடுகின்றன. நேற்று கூட ஒரு மடிப்பாக்கம் நண்பருடன் பேசும் போது மடிப்பாக்கத்தில் வெள்ளம் மிக மோசம் என்று கூறினார். இப்போது சற்று குறைந்திருக்கும் என நம்புகின்றேன்.
நண்பர் லக்கி லுக் எப்படி இருக்கின்றார்?

வெண்பூ said...

அதிஷா...

டைட்டில் என்னை போல உங்களை விசாரிக்காத நண்பர்களுக்கா...

தவறுதான்.. என் அண்ணன் விருகம்பாக்கத்தில் இருக்கிறார். அவர்களுக்கு எந்த பிரச்சினையும் இல்லை என்று நாங்களாக நினைத்துக் கொண்டிருக்க, அவர்கள் இருக்கும் இடத்தில் 6 அடி தண்ணிர் (நல்ல வேளை அவர்கள் 2வது மாடி) கரண்ட் இல்லாமல் தண்ணிர் இல்லாமல் தட்டுத் தடுமாறி இன்று காலை எங்கள் வீட்டிற்க்கு வந்து சேர்ந்தார்கள். ஒருவேளை நான் ஃபோன் செய்திருந்தால் நேற்றே வந்திருப்பார்கள்.. ஃபோன் செய்யாததற்காக என்னை நானே திட்டிக்கொண்டிருக்கிறேன்..

அவர்களிடம் சொன்னதேதான் உங்களிடமும்.. மன்னியுங்கள்.. வேறென்ன சொல்ல..

இப்படிக்கு
உங்களை விசாரிக்கா விட்டாலும் உங்கள் நலம் நாடும் நண்பன்..

புதுகை.அப்துல்லா said...

தப்புதான். நான் உங்ககிட்ட போன்ல கேட்டு இருக்கனும்.நான் செய்தது மிகப் பெரிய தவறு.

வடகரை வேலன் said...

என்ன ஆச்சு அதிஷா, கூல் டவுன்.

ஜிங்காரோ ஜமீன் said...

அதிஷா உங்களுக்காவது மொபைலில் சார்ஜ் இருந்தது. இங்கே 3 நாளாக வெள்ளத்துக்கு நடுவே கரண்டே இல்லாமல் ஹவுஸ் அரஸ்ட் வைச்சமாதிரி உட்கார்ந்திருக்கேன். ரொம்பவே கொடுமை :(

KaveriGanesh said...

ஜ ஜாலி நான் மதுரையில் இருக்கேன், என்ன இருந்தாலும் மதுரை மதுரை தான்.

ஆழ்ந்த அனுதாபங்கள் ஷென்னை வாசிகளூக்கு.

ஜோ / Joe said...

மழை பெய்தா சிரமமா தான் .அதுக்கு இவ்வளவு ஆர்ப்பாட்டமா? சின்னபிள்ளைத் தனமா இருக்கு.

ஜோதிபாரதி said...

//இனியாவது அரசு விழித்துக்கொண்டு பாலங்கள் கட்டி அதில் தன் பெயரை பொறித்துக்கொள்ளும் உத்திகளை தவிர்த்து , தங்கள் பெயர்களை பொன்னெழுத்தில் பொறிக்க இயலாத , சரியான நீர்வடிகால்களையும் , ஏற்கனவே இருக்கிற நீர்நிலைகளை தூர்வாருவது போன்ற வேலைகளையும் , பாலங்கள் கட்டினாலும் அதிலிருந்து மழைக்காலங்களில் அங்கே தேங்கி நிற்கும் நீர் சரியான வழியில் வெளியேறுமாறு திட்டமிடலும் தான் இப்போது தேவை . உங்கள் பிரியாணி பொட்டலங்களும் வேட்டிசேலைகளும் அல்ல , அதைக்காட்டி இன்னும் எத்தனை ஆண்டுகளுக்குத்தான் தமிழனை பைத்தியக்காரனாய் இருப்பானோ தெரியவில்லை . //

உங்கள் ஆதங்கம்,தவிப்பு,தாகம் எல்லாம் நியாயமானது தான்.
மும்பையை பற்றி எரித்துக் கொண்டிருந்த பதிவர்கள் மத்தியில் நீருக்குள்ளும் நெருப்பிருக்கிறது என்று காட்டியது நன்று.

Anonymous said...

நாடே பற்றி எரிந்து கொண்டிருக்கிறபோது உங்களைப் போன்ற தேசத்துரோகிகளுக்கு
குசலம் விசாரிக்கவில்லையே என்ற
கவலை! என்ன செய்வது?

அதிஷா said...

முரளி அண்ணா வருகைக்கு நன்றி

அதிஷா said...

\\ யோவ்.. என்ன அநியாயமா இருக்குது.. ரெண்டு நாள் தனியா ஒக்காந்திருந்ததுக்கு இந்த பீலிங்ஸ்ஸா, தகவல் சொல்லிருந்தாதானே தெரியும்? துக்கம் விசாரிச்சிருப்போம்ல.. \\

தாமிரா அண்ணா இதுக்கு நீங்கள் என்னை ஒரு நாலு நல்ல கெட்டவார்த்தைகளில் திட்டி இருக்கலாம்

அதிஷா said...

\\ மும்பை தீவிரவாதத்தால் அடைப்பட்டு கிடந்தவர்களின் நிலையை எண்ணிப்பாருங்கள். உங்கள் நிலைமை தூசி போல தெரியும். \\

வாங்க மஞ்சூர் ராசா ஐயா

நிச்சயம் இது சாதாரணமானதுதான் ... நானும் ஒட்டுமொத்த பதிவர்களையும் குறிப்பிடவில்லை . ஏன்? நான் எந்த பதிவரையும் கூட குறிப்பிடவில்லை . நான் என் நண்பர்களை பற்றித்தான் குறிப்பிட்டிருந்தேன் . அது பின்னூட்டங்களால் மறுவி விட்டது

அதிஷா said...

\\ அதிஷா...

டைட்டில் என்னை போல உங்களை விசாரிக்காத நண்பர்களுக்கா... \\

வாங்க வெண்பூ.. பதிவை படிக்காமல் பின்னூட்டம் போட்டுவிட்டீர்கள் என்று நினைக்கிறேன். பதிவை மீண்டும் ஒரு முறை படிக்கவும் . தலைப்பின் பொருள் விளங்கும் .

அதிஷா said...

அப்துல்லா அண்ணா.. நான் உங்களை சொல்லவில்லை . இனி மன்னிப்பெல்லாம் கேட்டு என்னை சங்கடப்படுத்தாதீர்கள்

அதிஷா said...

வாங்க வேலண்ணா..

வர்கைக்கு நன்றி

அதிஷா said...

யோ ஜிங்காரோ நீங்களுமா..

ஸேம் பிளட்

அதிஷா said...

நன்றி காவேரி கணேஷ்

அதிஷா said...

\\ மழை பெய்தா சிரமமா தான் .அதுக்கு இவ்வளவு ஆர்ப்பாட்டமா? சின்னபிள்ளைத் தனமா இருக்கு \\

நன்றி ஜோ\JOE

அதிஷா said...

நன்றி ஜோதி பாரதி அண்ணா

அதிஷா said...

\\
நாடே பற்றி எரிந்து கொண்டிருக்கிறபோது உங்களைப் போன்ற தேசத்துரோகிகளுக்கு
குசலம் விசாரிக்கவில்லையே என்ற
கவலை! என்ன செய்வது?

November 29, 2008 10:35 PM
\\

அனானி நண்பர் நாடே பற்றி எரியும் போது என்ன செய்து கொண்டிருந்தார் என்று தெரிந்து கொள்ள இயலும்?

ராஜ நடராஜன் said...

60 மணி நேரத்துக்கே இப்படின்னா சின்னப் பையனா இருந்தப்போ அம்மை வந்துருச்சுன்னு சொல்லி ஒரு சின்ன ஆஸ்பத்திரியில ஒரு வார்டுக்குள்ள நான் ஒருவன் மாத்திரமே நோயாளி(நம்ப முடியலியா!!ஆனால் உண்மை).மதியம் ஒரு அம்மை ஆஸ்பத்திரி சமையக்காரர் சூடா கொஞ்சம் சாப்பாடு கொடுத்திட்டு மறுபடியும் அதையே இரவுக்கும் சூடில்லாமல் வந்து கொடுத்துவிட்டு சுமார் மாலை 5.30 மணிக்கெல்லாம் ஓடி விடுவார்.இப்படியே 21 நாட்கள் தனி இரவுகள்.மழைக்காலம்.எனக்கு எப்படியிருந்திருக்கும்?

பரிசல்காரன் said...

அதிஷா...

பொதுவில் நீங்கள் கேட்டதால், நானும் பொதுவில் சொல்கிறேன்.

நேற்றும், அதற்கு முன்தினமும் (வெள்ளி, சனி) உங்களைத் தொடர்பு கொண்டபோது உங்கள் மொபைல் அழைப்பே போகாமல் கட் ஆகிக் கொண்டே இருந்தது நேற்று லக்கிக்கு அழைத்துக் கேட்டேன். ஸ்பெஷலாக உங்களைக் கேட்டேன். உங்கள் தனிமஒயின் துயரம் தெரியும் என்பதால். நலமாக இருப்பதாகச் சொன்னார்.

அப்துல்லாவின் ஃபோனும் அதேபோல சுவிட்ச் ஆஃப் என்று வந்தது.

நர்சிம், ரமேஷ்வைத்யா( இவர்தான் அதிகம் பாதிக்கப்பட்டிருக்கிறார் - தண்ணியால்) கார்க்கி, ஜ்யோவ்ராம், முரளிகண்ணன் என்று என்னிடம் எண் இருந்தவர்களிடமெல்லாம் அழைத்துப் பேசினேன். தாமிரா ஹைதையில் இருப்பதாய் நினைத்து விட்டுவிட்டேன். ஸாரி தாமிரா.. உங்களை மட்டும்தான் நான் மிஸ் பண்ணிவிட்டேன்.

லக்கியின் பதிவில் கூட நம் நண்பர்கள் எப்படி இருக்கிறார்கள் என்று கேட்டிருந்தேன்.

உங்கள் அலைபேசி, புதிய வீட்டில் சிக்னல் கிடைப்பது அரிது அவரே வெளியே வந்து அழைத்தால்தான் உண்டு என்றார் தோழர் லக்கி.

அப்படியும் சென்னை ஓடிவந்து என்னாச்சு நண்பா என்று கேட்டிருக்கவேண்டும். தப்புதான். மன்னித்துவிடுங்கள் அதிஷா. இனிமேல் இப்படி ஆகாமல் பார்த்துக் கொள்கிறேன்.

என் வீட்டில் உன் அண்ணி உமா, குழந்தைகள் மீரா-மேகா உன் நலம் விசாரித்ததாகச் சொன்னார்கள். அடுத்தமுறை கோவை வருகையில் வீட்டிற்கு வரவும்.

அதே-கிருஷ்ணகுமார்.

வெண்பூ said...

//
வாங்க வெண்பூ.. பதிவை படிக்காமல் பின்னூட்டம் போட்டுவிட்டீர்கள் என்று நினைக்கிறேன். பதிவை மீண்டும் ஒரு முறை படிக்கவும் . தலைப்பின் பொருள் விளங்கும் .
//

என்ன அதிஷா.. என்னை பாத்து இப்படி கேட்டுட்டீங்களே.. பதிவை படிக்காம எந்த ஒரு பதிவுலயும் பின்னூட்டம் போடுறதில்லை. உங்க தலைப்பு அரசியல்வாதிகளுக்காக‌ இருந்தாலும் கடைசி பாரால எங்கள திட்டுனதுனால அப்படி கேட்டுருக்கேன்..

கும்க்கி said...

i could understand....
sorry for all.

ஆட்காட்டி said...

இவ்வளவு காலமும் இது தெரியாதா?

மணிகண்டன் said...

ஆதிஷா,

அடிக்கடி இந்த மாதிரி ரூம்ல அடிச்சி வச்சா, எல்லா பின்னூட்டதுக்கும் பதில் போடுவீங்களா ?

வால்பையன் said...

//ஆலகால விசத்தை குடித்தாலும் உங்களுக்கு ஒன்றும் ஆகாது.. சாதாரண ஆலா என்ன செய்து விடும்

கிகிகிகி//

அதானே இன்னும் எவ்ளோ எழுத வேண்டியிருக்கு

வால்பையன் said...

சென்னை வாழ் மனிதர்களின் மொத்த குரலாக இந்த பதிவை பார்க்கிறேன்

There was an error in this gadget