11 June 2008

மின்னல் வேக தொடர் : மரணத்தின் வாயிலிலே - 1

மரணத்தின் வாயிலிலே-1



''சார் , நல்லாத்தான் சார் இருந்தான் , என்னாச்சுனு தெரில திடீருனு மார்ல கைய வச்சுகிட்டு மயங்கி விழுந்தவன் , எழவே இல்ல சார் , அவன மாதிரி ஒரு நண்பன் இனிமே எனக்கு கிடைக்க மாட்டான் சார் '' எனக் கண்களில் நீர் கசிய கூறிய படி அந்த இளவு வீட்டின் வாசலில் இடப்பட்டிருந்த இருக்கையில் அமர்ந்திருந்த அவனது மேனஜர் சிவக்குமாரிடம் விளக்கிக் கொண்டிருந்தான் குமார் , அவன் இறந்து போன கிஷோர் உடன் பணிபுரிபவன் . இருவரும் ஒரே நிறுவனத்தில் மூன்று வருடங்களாக விற்பனை அதிகாரிகளாக வேலை பார்த்து வந்தனர் . எப்போதுமே இருவருக்கும் பலமான போட்டி நிலவும் , இருவரும் நேரில் சந்தித்தால் பேசிக்கொள்வதே அபூர்வம் .



'' நல்ல வேலைக்காரன் சார்!!! எவ்ளோ டார்கெட் குடுத்தாலும் சட்டுனு முடிச்சிட்டு வந்து அடுத்து என்னனு கேக்கறவன் சார் , வீ ரியலி மிஸ் ஹிம் சார் , ஐயம் வெரி சாரி சார் '' , சிவக்குமார் வருத்தத்துடன் கிஷோரின் அழுது கொண்டிருந்த தந்தை முத்துராமனிடம் ஆறுதலாக பேசினார் . தினமும் காலை,மாலை இரு வேளையும் கிஷோரைத் திட்டாவிட்டால் அன்றைய பொழுது சிவக்குமாருக்கு முழுமை பெறாது .



'' தவமாதவமிருந்து பெத்த புள்ளங்க , எங்களுக்கு கல்யாணமாயி ஆறு வருஷம் கழிச்சுப் பொறந்தவன் , எந்த கெட்ட பழக்கமும் இல்லங்க , இப்படி ஒருத்தன புள்ளயா பெத்ததுக்கு போன ஜென்மத்துல புண்ணியம் பண்ணிருக்கணும்ங்க !!!!! '' என சினிமா பாணியில் தன் பக்கத்து வீட்டு நண்பரிடம் உருகினார் தந்தை முத்துராமன் . அவர் ஒரு சினிமா கதாசிரியர் . மகனுக்கென்று தன் வாழ் நாளில் ஒன்றும் செய்யாதவர் , கிஷோர் வளர்ந்தது அவன் தாயின் உழைப்பில்தான் .



கிஷோரின் காலடியில் அவனது தாய் அமர்ந்து கொண்டு அந்த அறையே அதிர அழுது கொண்டிருந்தாள் , அவளிடம் பலரும் பேச முயன்றும் அவள் யாரிடமும் பேச மறுத்தாள் .



பிணத்திற்கு செய்ய வேண்டிய எல்லா சாங்கியங்களும் கிஷோருக்கும் செய்யப்பட்டது , அந்த சாவிற்கு வந்த கூட்டத்தில் அவனது காதலி சீலாவும் இருந்தாள் , ஆனால் தன் வருங்காலத்தை எண்ணியவளாய் மறைவாய் , தன் அடையாளத்தை காட்டாமல் , கூட்டத்தோடு கூட்டமாய் கண்களில் கண்ணீருடன் .



கிஷோரின் உடல் அவ்வூரின் வீதிகளின் வழியே எடுத்துச் செல்லப்பட்டது . வழியெங்கும் பலர் அவனது உடலைப்பார்த்து பாவமென்றும் , சிறு வயதென்றும் கூறியபடி நகர்ந்தனர் .



சுடுகாடு , விறகுகள் அடுக்கப்பட்ட அந்த மேடையில் கிஷோர் படுக்க வைக்கப்பட்டான் , அவன் மேலும் விறகுகள் அடுக்கப்பட்டன , அவனது தந்தைக்கு பூணூல் அணிவிக்கப்பட்டது , சில சம்பிரதாயங்களுக்கு பிறகு அவர் தோளில் பானை வைக்க பட்டு அதில் ஒரு துளையுமிடப்படுகிறது . நீர் கொஞ்சம் கொஞ்சமாக தரையில் விழ முத்துராமன் தன் மூன்றாவது சுற்றையும் முடித்தார் . ஒரு கற்பூரத்தை எடுத்து கிஷோரின் தலைமாட்டில் வைத்து பற்ற வைக்க , அந்த தீயின் ஜீவாலையிலிருந்து தன் கையிலிருந்த விறகை பற்ற வைத்து அதனை அந்த விறகு மேடையின் மேல் பற்ற வைக்க , அது கொஞ்சம் கொஞ்சமாக முழுமையாக பரவத்தொடங்கும் போதுதான் அங்கிருந்த அனைவரையும் உறைய வைக்கும் அது நடந்தது .



எரிந்து கொண்டிருந்த கட்டைகளுக்கு நடுவே இருந்து அலறிய படி கிஷோர் எழுந்து ஓடினான் ...........................




தொடரும்
___________________________________________________________________



13 comments:

அதிஷா said...

நமக்கு நாமே.....

;-)

VIKNESHWARAN said...

தொடருங்க... முதல் பதிவுல எதுவும் சொல்ல முடியல... இப்பொழுதெல்லாம் படத்திலேயே அதிகமாக சடங்கு சம்பிரதாயங்களை காண்பிப்பதில்லை. கடைக்கு சுவாரசியம் கொடுக்க எழுதி இருகிங்க போல..

கதைக்கு வாழ்த்துக்கள்

ஆகாய நதி said...

ஐயோ அப்புறம் என்ன ஆச்சு???

அதிஷா said...

வாங்க விக்னேஷ் , வருகைக்கு நன்றி

கதையின் சுவாரசியத்துக்காக எழுதியதுதான் அந்த சடங்கு ,

நன்றி

Divya said...

அய்யோ.....அடுத்து என்னாச்சுங்க??

சீக்கிரம் அடுத்த பகுதியும் போடுங்க!

Divya said...

நல்ல எழுத்து நடை,
வாழ்த்துக்கள்!

Divya said...

என் வலைதளம் வந்தமைக்கு மிக்க நன்றி!!

அதிஷா said...

வாங்க திவ்யா வருகைக்கு நன்றி ,

அடுத்தப்பகுதிக்காக ஓரு வாரம் பொறுங்க

அதிஷா said...

வாங்க ஆகாய நதி...

கொஞ்சம் வெயிட் பண்ணுங்க..
just 1 week

ச்சின்னப் பையன் said...

ஆ! எழுந்துட்டாரா... சீக்கிரம் அடுத்த பகுதியை போடுங்க...

ச்சின்னப் பையன் said...

//இப்பொழுதெல்லாம் படத்திலேயே அதிகமாக சடங்கு சம்பிரதாயங்களை காண்பிப்பதில்லை//

விக்னேஸ்வரன் -> தமிழ் சீரியல்கள் பாக்கமாட்டீங்கன்னு இதிலேயே தெரியுது!!!

ச்சின்னப் பையன் said...

//அடுத்தப்பகுதிக்காக ஓரு வாரம் பொறுங்க//

ஏங்க.. யோசிக்கணுமா?..... ச்சும்மா.. தமாஸ்....-)))

ஜி said...

minnal vega thodar nu oru vaaram wait panna vatchaa epdiingo??

There was an error in this gadget